"ОБЛЫСТЫҚ СЫБАЙЛАС ЖЕМҚОРЛЫҚҚА ҚАРСЫ КОНФЕРЕНЦИЯНЫҢ ҚАТЫСУШЫЛАРЫ НЕ ТУРАЛЫ АЙТТЫ?»
А.ж. 18 мамырда өңір азаматтарында сыбайлас жемқорлыққа қарсы мәдениетті қалыптастыруға үкіметтік емес ұйымдар мен сараптамалық қауымдастықтың қатысуын кеңейту жобасы аясында онлайн-конференция өтті.
Іс-шараны "Азаматтық бастамаларды қолдау орталығының" көмегімен "ЖАҢАРУ" сыбайлас жемқорлыққа қарсы жалпыұлттық қозғалысы ұйымдастырды.
Іс-шараға азаматтық сектор өкілдері, мемлекеттік органдардың басшылары, мәслихат депутаттары, "Әдеп" жобалық кеңсесінің өкілдері, сондай-ақ қоғамдық пікір көшбасшылары қатысты.
Конференция барысында қатысушылар парасаттылық мәдениетін қалыптастыру тетіктерін тәжірибелік іске асыру мәселелерін, сондай-ақ түрлі секторларда, оның ішінде мемлекеттік қызметтер көрсету саласында сыбайлас жемқорлық тәуекелдерінің туындау себептері мен жағдайларын талқылады.
"ЖАҢАРУ" сыбайлас жемқорлыққа қарсы республикалық қозғалысы төрағасының орынбасары Дәулеткерей Рахметуллин атап өткендей, "Кездесудің басты мақсаттарының бірі сыбайлас жемқорлыққа қарсы қозғалысқа азаматтық сектор өкілдерін тарту арқылы мемлекеттік қызмет көрсету саласында сыбайлас жемқорлық көріністеріне "нөлдік төзімділікті" қалыптастыру болып табылады".
Конференция барысында сыбайлас жемқорлыққа қарсы іс - қимыл агенттігінің Қостанай облысы бойынша департаментінің басшысы Қуаныш Бекбасов өз сөзінде сыбайлас жемқорлыққа қарсы саясатты табысты іске асыру жұмыстың жаңа нысандарын, әдістері мен құралдарын пайдалануға тікелей байланысты екенін атап өтті, оның айтуынша, "Бүгінде Агенттіктің негізгі мақсаты күшті және белсенді азаматтық қоғам мен жаңа формациядағы мемлекеттік қызметшілерге арқа сүйеуде – транспарентті, ашық мемлекеттік аппарат құру қажет, жаңа форматта жұмыс істеп, әлем мүлде өзгеше болып көрінетін жаңа буынды тәрбиелеу қажет, және сіз бен мен өз жұмысымызға қаншалықты сапалы және жауапкершілікпен қарайтынымыз олардың болашақта қалай көретіндері байланысты болады" деп Бекбасов қорытындылады.
Конференция соңында қатысушылар қазақстандық қоғамның сыбайлас жемқорлыққа қарсы этикасы мен мәдениеті азаматтық қоғам мен мемлекеттің серіктестігі аясында қалыптасуы тиіс деген ортақ пікір білдірді. Осы және басқа да ұсынымдар қабылданған ұсыныстарда көрініс тапты.
[xfvalue_img]
