Қазақстан мен Түркия инвестициялық ынтымақтастықты нығайтуда: Coca-Cola İçecek Ақтөбеде зауыт салады

Coca-Cola İçecek Kazakhstan (CCI Kazakhstan) компаниясы Қазақстан–Түркия бизнес-форумы аясында Ақтөбеде жаңа зауыт салу бойынша ынтымақтастық туралы меморандумға қол қойды.

Астана, 2026 жылғы 14 мамыр — Coca-Cola İçecek (CCI), Anadolu Group құрамына кіретін түркиялық компания Орталық Азиядағы ұзақ мерзімді өсу және тұрақты даму стратегиясын жүзеге асыруды жалғастыруда. Компания өңірдегі стратегиялық нарықтардың бірі болып табылатын Қазақстан аумағында сусындар құю бойынша төртінші зауытын салуға дайындалуда. Осыған байланысты Қазақстан-Түркия бизнес-форумының аясында CCI компаниясының Ақтөбе қаласындағы жаңа инвестициялық жобасын іске асыру бойынша Ынтымақтастық туралы меморандумға қол қойылды.

Меморандумға Coca-Cola İçecek Kazakhstan компаниясының бас директоры Вели Динчель және Ақтөбе облысы индустриялық даму басқармасының басшысы Досжан Әлібеков қол қойды.

«Coca-Cola İçecek үшін Қазақстан мен Түркия арасындағы стратегиялық серіктестікті нығайтудың жаңа кезеңінің бір бөлігіне айналу — үлкен мәртебе. Екі мемлекет басшысының қатысуымен меморандумға қол қою бұл инвестицияның біздің компания үшін ғана емес, сондай-ақ екі ел арасындағы экономикалық және өнеркәсіптік ынтымақтастықты дамыту үшін де маңыздылығын айқындайды. Ақтөбедегі жаңа зауыт өңірдегі экономиканың дамуына, жаңа жұмыс орындарының ашылуына және заманауи өндірістік технологиялардың енгізілуіне елеулі үлес қосады. Біз мемлекет тарапынан көрсетіліп жатқан қолдауды жоғары бағалаймыз және бұл жоба табысты әрі ұзақ мерзімді серіктестіктің тағы бір үлгісіне айналатынына сенімдіміз», — деп атап өтті Coca-Cola İçecek Kazakhstan компаниясының бас директоры Вели Динчель.

Жаңа зауыт Coca-Cola İçecek компаниясының Қазақстандағы төртінші кәсіпорны болмақ. Қазіргі уақытта компания Алматы облысы, Астана және Шымкент қалаларындағы үш зауытты табысты басқарып отыр. Кәсіпорынның құрылысы 2026 жылға жоспарланған. Өндіріс халықаралық экологиялық стандарттарға сай келіп, қалдықтарды басқарудың заманауи жүйелерін қамтитын болады.

Жоба Қазақстандағы стратегиялық инвестициялық бастамаларды іске асыруды сүйемелдейтін инвестиция тарту жөніндегі ұлттық компания — Kazakh Invest қолдауымен жүзеге асырылуда.

Бұған дейін Coca-Cola İçecek Kazakhstan мен Қазақстан Республикасының Ауыл шаруашылығы министрлігі осы жобаны іске асыру бойынша шекті келісімге қол қойған болатын.

Coca-Cola İçecek Қазақстан нарығында 1994 жылдан бері жұмыс істейді. Осы уақыт ішінде компания ел экономикасына 130 млрд теңгеден астам инвестиция салған.