Солтүстікқазақстандық оқушы «Сыбайлас жемқорлыққа бірге қарсымыз!» халықаралық байқауының жүлдегері атанды
Ғабит Мүсірепов атындағы ауданның Андреев орта мектебінің оқушысы Никита Авдеев «Сыбайлас жемқорлыққа бірге қарсымыз!» халықаралық байқауының жүлдегері атанды.
Негізгі мақсаты қоғамда заң мен тәртіп қағидаттарын бекіту, сондай-ақ жастардың назарын сыбайлас жемқорлық проблемаларына аудару болып табылатын байқау рекордтық 41 мың жұмысты жинап, халықаралық қазылар алқасы үшін жеңімпазды анықтау оңайға соқпады.
Никитаның «Жемқорлықтың қолына түспе!» атты туындысы «Үздік плакат» номинациясында екінші орын алып, ең креативті және жарқын деп танылды. Байқауға түрлі елдердің жас суретшілері қатысты, ал қазылар алқасы жұмыстардың бірегейлігі мен өзіндік ерекшеліктерін атап өтті. Қазылар алқасының мүшелері арасында Біріккен Араб Әмірліктері, Қытай, Таиланд, Мьянма, Бразилия, Армения, Беларусь, Қазақстан, Қырғызстан, Ресей және Тәжікстан сияқты 11 елдің өкілі болды.
Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаментінің басшысы Асхат Жақыпбеков марапаттау кезінде Никитаның қоғамда сыбайлас жемқорлыққа қарсы мәдениетті қалыптастыруға қосқан үлесін оң бағалады және оған шығармашылықта одан әрі табыс тіледі.
Сондай-ақ, ол Байқау, шығармашылық арқылы да жемқорлыққа қарсы күреске назар аударуға және жастардың белсенді азаматтық ұстанымын қалыптастыруға болатындығын айқын көрсеткенін атап өтті.
[xfvalue_img]
