Түркі мемлекеттерінің кәсіподақтары ұйымының І-съезінің делегаттары бірлескен Декларация қабылдады

Сәрсенбі, 29 қарашада Түркия Республикасының астанасы Анкара қаласында Түркі мемлекеттерінің кәсіподақтар ұйымының I Конгресі өтті. Жаңа интеграциялық бірлестіктің құрамында Қазақстан, Әзірбайжан, Қырғызстан, Өзбекстан және Түркияның ұлттық кәсіптік орталықтары бар. Форумға Қазақстан атынан ҚРКФ төрағасы Сатыбалды Дәулеталин бастаған ҚР Кәсіподақтар федерациясының делегациясы қатысты.

Естеріңізге сала кетейік, ағымдағы жылдың 29 шілдесінде Әзірбайжанның Шуша қаласында Әзірбайжан, Қазақстан, Түркия және Өзбекстанның Ұлттық кәсіптік орталықтары Түркі мемлекеттерінің кәсіподақтары ұйымын құру туралы келісімге қол қойды. Жаңа интеграциялық бірлестіктің құрылтай жиналысы 22 қыркүйекте Самарқанда өтті.

ҚР Кәсіподақтар федерациясының төрағасы - Ұйымның Бас хатшысы Сатыбалды Дәулеталин өзінің сөзінде Түркі халықтарының тамырларының ортақтығын атап өтіп, I Конгресс Ұлттық кәсіптік орталықтардың күш-жігерін біріктіруді, қызметкерлердің әлеуметтік-еңбек, кәсіптік, экономикалық құқықтары мен мүдделерін қорғау жөніндегі іс-қимылдарды шоғырландыруды бастайтынын атап өтті.

«Бүгінде біз еңбеккерлердің ортақ мүдделері үшін күшімізді біріктіреміз -Түркі мемлекеттерінің кәсіподақтары ұйымы қызметкерлердің ортақ мүдделерін қорғауға, еңбек жағдайларын жақсартуға және әлеуметтік құқықтарды қамтамасыз етуге негізделген. Бірлестік әртүрлі елдердің кәсіподақтары арасында тәжірибе алмасуға, ортақ мәселелерді шешу, еңбек және әлеуметтік бастамаларды қолдау үшін бірлескен ресурстарды пайдалануға мүмкіндік береді. Кәсіподақтар бірлестігі халықаралық аренада жұмысшылардың құқықтарын қорғау кезінде олардың қызметі мен ықпалының тиімділігін арттыра отырып, бірыңғай майдан қалыптастыруға мүмкіндік туғызады. Бірлестік түркі мемлекеттері үшін ортақ нормалар мен стандарттарды құра отырып, еңбекті әлеуметтік қорғау саласындағы стандарттарды әзірлеуге және енгізуге ықпал етеді. Кәсіподақтар бірлестігі еңбек жағдайларын жақсарту, жұмыс күшінің біліктілігін арттыру және инвестицияларды тарту арқылы елдеріміздің экономикалық дамуына ықпал ете алады. Біз сондай - ақ жас қызметкерлерді қолдау үшін күш біріктіреміз. Себебі жастар кәсіподақтардың болашағы болып табылады және біз оларға өсу, даму және кәсіподақ қозғалысына қосылу үшін бірлескен күш-жігер мен мүмкіндіктер беруіміз керек. Түркі мемлекеттері кәсіподақтарының ынтымақтастығы мәдени алмасуға, түрлі елдердің еңбеккерлері арасындағы өзара түсіністік пен ынтымақтастықты нығайтуға ықпал ететін болады», - деді Түркі мемлекеттерінің кәсіподақтары ұйымының Бас хатшысы.

Сатыбалды Дәулеталин кәсіподақтардың алдында тұрған негізгі сын-қатерлерді атады.

 «Бұл-жалақы деңгейінің тоқырауы және еңбек табысының төмендеуі. Мұның бәрі – адамдардың әлеуметтік әл-ауқаты, олардың бүгінгі және ертеңгі күнге деген сенімділігі. Қоғамның әлеуметтік стратификациясын тереңдету, жалақының төмен деңгейі жалдау еңбегін өмір сүру құралына айналдырады. Еңбек құндылықтарының құнсыздануы тереңдей түсуде!Жұмыс күші арзан болмайтынын бәріміз түсінетін кез келді. Бағаланбаған еңбек санада кедейшілік тудырады. Бұл ұят және үмітсіздік тізбегін тудырады - нашар жұмыс, жеткіліксіз білім және одан шығудың жолы жоқ деген сезім. Бүгінгі күні қызметкерлерге табыстың өсуі және жұмыс берушімен қарым-қатынасты мәдениетті түрде құру (сұрыптау) құқығы қажет. Бұл тек әлеуметтік шиеленісті азайту деген сөз емес. Біз әлеуметтік әділеттілікті қалпына келтіруді меңзеп отырмыз. Бүгінгі таңда өркениетті еңбек нарығын құру мемлекеттік органдар үшін де, кәсіподақ қозғалысы үшін де бірдей маңызды. Қызметкердің қорғалу деңгейін, құқықтық құралдарды қолданудың тиімділігін және кәсіподақтар қызметінің сәттілігін анықтайтын оның нақты жағдайы» , - деп атап Сатыбалды Дәулеталин.

Бас хатшы кәсіподақтардың басты мақсаты – қызметкерлердің мүддесі үшін қоғамдық байлықты қайта бөлуге белсенді ықпал ету екенін, бұл қоғамның және оның демократиялық институттарының тұрақты дамуының мүддесін білдіретінін атап өтті.

І съезд делегаттары Түркі мемлекеттерінің кәсіподақтар ұйымының Жарғысын қабылдады, Ұйым Кеңесін бекітіп, жетекшілерін сайлады. Türk-İş Түркия кәсіподақтар конфедерациясының басшысы Эргюн Аталай Президент болып сайланды. Қазақстан Республикасы Кәсіподақтар федерациясының төрағасы Сатыбалды Дәулеталин Түркі мемлекеттерінің кәсіподақтар ұйымының Бас хатшысы болып қайта сайланды.

Түркі мемлекеттерінің кәсіподақтары ұйымының басқару органдарының құрамына ҚРКФ мүше ұйымдарының өкілдері де сайланды: Энергетика қызметкерлерінің салалық кәсіподағының төрағасы Оразбек Бекбас, "QazaqMetal" салалық кәсіподағының төрағасы Асылбек Нұралин, Оқу-ағарту, ғылым және жоғары білім қызметкерлерінің республикалық салалық кәсіподағының Жамбыл облыстық филиалының төрағасы Ерулан Мағзымбеков.

I Конгресстің қорытындысы Декларацияны қабылдаумен аяқталды. Онда Түркі мемлекеттерінің кәсіптік одақтарын ұйымдастыру мақсаттары белгіленді, оның негізгісі халықаралық кәсіподақ орталықтары арасындағы жан-жақты ынтымақтастық, аймақтық және жаһандық бейбітшілікті, экономикалық тұрақтылық, әлеуметтік қорғауды қамтамасыз ету, ұйымға мүше елдердегі жұмысшылар үшін табыс пен салық әділдігін арттыру болды.

«Конгресс делегаттары алға басудың басты жолы ретінде Жаңа қоғамдық шартты іске асыруды, жұмысшылардың күшін нығайтуды – бірлестік бостандығын, ұжымдық келіссөздер мен әлеуметтік диалогты жақтайды», - делінген Декларацияда. 

ҚР Кәсіподақтар федерациясының медиаорталығы