Жемқорлықпен күрес – баршаға міндет

Сыбайлас жемқорлық – әлеуметтік-экономикалық даму, нарықтық экономиканы құру, инвестициялар тарту процесін баяулататын және демократиялық мемлекеттің саяси және қоғамдық институттарына кері әсер ететін, елдің даму болашағына айтарлықтай қауіп төндіретін құбылыс.

«Сыбайлас жемқорлыққа қарсы күрес туралы» заң азаматтардың құқықтары мен бостандықтарын қорғауға, сыбайлас жемқорлық көріністерінен туындайтын қауіп-қатерден Қазақстан Республикасының ұлттық қауіпсіздігін сақтауға, сыбайлас жемқорлыққа байланысты құқықбұзушылықтың алдын алу, анықтау, олардың жолын кесу, кінәлілерді жауапқа тарту арқылы мемлекеттік органдарын, мемлекеттік міндеттерді атқаратын лауазымды адамдардың тиімді қызметін қамтамасыз етуге бағытталған. Заң сол сияқты демократиялық негіздерді, мемлекетті басқарудағы жариялылық пен бақылауды кеңейтуге халықтың мемлекет пен оның құрылымдарына деген сенімін нығайтуға, білікті мамандарды мемлекеттік қызметке кіруге ынталандыруға, мемлекеттік міндеттерді атқаратын адамдардың риясыз адалдығы үшін жағдайлар жасауға бағытталған.

Конституциялық тәртіпті қорғау, сыбайлас жемқорлықпен күрес аясында тиімді, бірыңғай жалпыы мемлекеттік саясат жүргізу, барлық салада сыбайлас жемқорлық пен оның деңгейін төмендету, қоғамның мемлекетке және оның институттарына сенімін нығайту басты мақсат болып табылады. Сыбайлас жемқорлық – заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отыр. Бұл кесел дамушы елдердегідей біздің жас мемлекетімізге де орасан зор нұқсан келтіруде.

Қазіргі таңда қоғамымызға қауіп төндіріп, орасан залал келтіретін осынау келеңсіз әлеуметтік құбылысқа қарсы шаралар қатаң қолға алынып жатыр. Мемлекеттік міндеттерді атқаратын, сондай-ақ соларға теңестірілген адамдардың лауазымдық өкілеттігін және соған байланысты мүмкіндіктерін пайдалана отырып, не мүліктік пайда алу үшін олардың өз өкілеттіктерін өзгеше пайдалану, жеке өзі немесе делдалдар арқылы заңда көзделмеген мүліктік игіліктер мен артықшылықтарды заңсыз беру арқылы оларды сатып алу – сыбайлас жемқорлық болып есептеледі. Халық арасында жұл құрт аталып кеткен осы дертті жою толықтай жүзеге аспағанымен, оны ауыздықтаудың, тежеудің сәті кейде түсіп, кейде шарасыздықтың белең алатыны рас.

Бүгінгі күнде қоғамның  сыбайлас жемқорлықты азайтуға деген талпынысы бұрынғыдан да зор. Соған қарамастан Қазақстанда сыбайлас жемқорлыққа қарсы ең пәрменді құралдарды енгізу күн тәртібінен түспейді. Бұл – экономикалық өсу мен азаматтардың әл-ауқатын арттырудың негізгі шарты.

А.Рысқалиева

Жаңақала аудандық соты кеңсесінің бас маманы Батыс Қазақстан облысы