Құқық қорғау органдарының болашақ басшылары Академияда оқудан өтеді
Бүгін Құқық қорғау органдары академиясында биығы жылдың 3 мамырына дейін жалғасатын құқық қорғау және арнаулы мемлекеттік органдар басшылығының Президенттік резервін кәсіби қайта даярлау және біліктілігін арттыру курсы басталды.
Оқыту Қазақстан Республикасы Президентінің Жарлығына сәйкес іске асырылады және ұлттық кадр саясатына сәйкес басшылық лауазымдарға орналасу үшін білікті кадрлар даярлауға бағытталған.
Курсқа қатаң іріктеуден өткен және белгіленген біліктілік талаптарына сәйкес келетін прокуратура, ұлттық қауіпсіздік, ішкі істер органдарының, сыбайлас жемқорлыққа қарсы, экономикалық тергеу қызметтерінің және Төтенше жағдайлар министрлігінің қызметкерлері қатысады.
Академия ректоры Марат Сексембаев өз сөзінде Президенттік резервтің құқық қорғау және арнайы органдарды басқарудың тұрақты жүйесін құрудағы стратегиялық маңыздылығын атап өтіп, оқыту бағдарламасы болашақ басшылардың кәсіби құзыреттілігі мен басқарушылық тиімділігін қалыптастыруға ықпал ететінін атап өтті.
Жалпы, оқыту әдеттегі және стандартты емес (дағдарыстық) жағдайларда ұжымды тиімді басқарудың кәсіби және икемді дағдыларын жетілдіруге бағытталған. Тыңдаушыларға қарсыласымен сындарлы диалог құруға мүмкіндік беретін келіссөздер процестері бойынша мәселелерге ерекше орын беріледі.
Басқа модульдер көшбасшылық, аналитикалық ойлау дағдыларын дамытуға, күрделі басқару процестерін басқаруға және ұйымның ұзақ мерзімді даму стратегиясын құруға арналған.
Білім беру процесі заманауи интерактивті формалар мен оқыту әдістерін қолдана отырып, бейне көрсетілім және нақты жағдайларды талдау арқылы жүзеге асырылады.
Қазір Қазақстан Республикасы Президенті Әкімшілігінің тапсырмасы бойынша кандидаттарды жоғары лауазымға жылжыту тәртібіне қатысты заңнамалық түзетулер енгізу талқылануда.
Президенттік резервтен тағайындау тек Академияда тиісті оқудан өту арқылы мүмкін болады деп күтілуде.
Бұл ел басшылығының құқық қорғау блогының басшы құрамының кәсіби даярлығы мен құзіреттілік деңгейіне мұқият назар аударып отырғанын көрсетеді.
[xfvalue_img]
