Елордалық полицейлер футболдан турнирге қатысты
Қазақстан полициясының 30 жылдығы қарсаңында «Байқоңыр» аудандық ПБ бөлімшелері арасында футболдан турнир өтті.
Аталған турнирге бөлім қызметкерлері, сондай-ақ ІІМ ардагерлері қатысып, керемет бәсекелестік рухын көрсетті. Командалар жеңіске жету үшін белсене күресіп, спорттық шеберлік пен құштарлық таныта отырып, қарсыластың қақпасына гол соғуға табандылық танытты. Полицейлер тамаша ойынмен жақсы дене дайындығын көрсетті.
Турнир қорытындысы бойынша бірінші орынды тергеу бөлімінің қызметкерлері, ал екінші орынды ІІМ ардагерлері және үшінші орынды криминалдық полиция бөлімінің қызметкерлері иеленді.
Үздік ойыншы болып тергеу бөлімінің тергеушісі полиция капитаны Нұрдәулет Пазылбекұлы танылса, турнирдің үздік қақпашысы криминалдық полиция бөлімінің аға жедел уәкілі полиция майоры Қанат Тілемісов атанды.
«Байқоңыр» ауданы Полиция басқармасының бастығы полиция полковнигі Марат Абиров спорттық турнирдің жеңімпаздары мен қатысушыларын құттықтап, оларға зор денсаулық, табыс пен жауынгерлік рух тіледі.
Мұндай іс-шаралар полиция қызметкерлерінің кәсіби дайындық деңгейін арттыру және салауатты өмір салтын насихаттау мақсатында өткізіледі.
Нұр-Сұлтан қ. ПД Баспасөз қызметі
[xfvalue_img]
23 пікір