Сот жүктеген міндеттерді орындамаған қызылордалықты бас бостандығынан айырды

1 067 Правоохранительные органы 16-08-2021, 13:42 infozakon.kz 0

Қызылорда қаласының тұрғыны Р.,есімді азамат 19.09.2020 жылы Қызылорда қалалық 2 сотының үкімімен ҚР ҚК-нің 188-бабы 3-бөлігі 3-тармағымен кінәлі деп танылып,3 жыл бас бостандығын шектеу жазасына сотталып, жазасының барлық мерзімінде 100 сағат мәжбүрлі еңбекке тартылған. Алайда, бұл азамат пробация қызметінің талаптарына бағынбай,сот үкімінде көрсетілген 100 сағат мәжбүрлі еңбегке шықпай, пробация қызметкерлерінің ескертулеріне құлақ аспаған. Жуырда қалалық пробация қызметі жазасын орындамаған азаматқа байланысты Қызылорда қалалық сотына бас бостандығын айыру үшін ұсыныс жолдаған. 13.08.2021жылы онлайн режимінде сот отырысы өтіп, Қызылорда қалалық №2 сотының қаулысымен жазасының өтелмеген бөлігі 2жыл 26 күн бас бостандығына айыру жазасына ауыстырылды. Қаулы заңды күшіне енген жоқ.

Қызылорда облысы бойынша ҚАЖД

[xfvalue_img]