Қазақстан Республикасының Сыбайлас жемқорлыққа қарсы саясатының 2022-2026 жылдарға арналған тұжырымдамасы бекітілгені жайлы
Мемлекет басшысы Қ.К. Тоқаевтың 2022 жылғы 2 ақпандағы №802 Жарлығымен Қазақстан Республикасының Сыбайлас жемқорлыққа қарсы саясатының 2022-2026 жылдарға арналған тұжырымдамасы бекітілген.
Тұжырымдаманы іске асыру жөніндегі іс-қимыл жоспарының 3 тармағы «Құқықтық насихатты азаматтар мен кәсіпкерлерге қолданыстағы құқықтық актілерді түсінікті және қысқа тілде түсіндіре отырып, сондай-ақ, белгілі бір өмірлік жағдайлар мен заңды фактілер бойынша цифрлық шешімдерді қолдана отырып, олардың құқықтары туралы нақты хабарлар етуді қамтамасыз ету жолымен жетілдіру» бойынша Әділет министрінің 2022 жылғы 26 қыркүйектегі №806 бұйрығымен әдістемелік ұсынымдар бекітілді.
«Әділет органдары туралы» Қазақстан Республикасының 2002 жылғы 18 наурыздағы Заңының 7-бабы 2-тармағының 3) тармақшасына, сондай-ақ, Қазақстан Республикасы Президентінің 2022 жылғы 2 ақпандағы №802 Жарлығымен бекітілген Қазақстан Республикасының Сыбайлас жемқорлыққа қарсы саясатының 2022-2026 жылдарға арналған тұжырымдамасын іске асыру жөніндегі іс-қимыл жоспарының 3 тармағына сәйкес:
- Қоса беріліп отырған Құқықтық насихатты азаматтар мен кәсіпкерлерге қолданыстағы құқықтық актілерді түсінікті және қысқа тілде түсіндіре отырып, сондай-ақ, белгілі бір өмірлік жағдайлар мен заңды фактілер бойынша цифрлық шешімдерді қолдана отырып, олардың құқықтары туралы нақты хабардар етуді қамтамасыз ету жолымен жетілдіру бойынша Әдістемелік ұсынымдар бекітілсін.
- Мемлекеттік органдар және мүдделі ұйымдар азаматтар мен кәсіпкерлерді олардың құқықтары туралы нақты хабардар ету жөніндегі бұйрықтарды әзірлеу кезінде қолданыстағы құқықтық актілерді түсіндіре отырып осы Әдістемелік ұсынымдарды басшылыққа алсын.
Әдістеменің басты мақсаттары:
Құқықтық сауаттылықты арттыру, Конституцияда белгіленген негізгі құндылықтарға сәйкес азаматтардың заңды әлеуметтік белсенділігін қалыптастыру мақсатында құқықтық насихат пен құқықтық білім беруге байланысты жоспарлы жұмысты жалғастыру қажет.
Мемлекеттік органдар мен жергілікті өзін-өзі басқару органдары өз құзыреті шегінде жүргізілетін құқықтық саясатты құқықтық жария етумен жүйелі негізде айналысу, сондай-ақ, қабылданатын нормативтік құқықтық актілердің негізгі ережелері туралы құқықтық насихаттың әртүрлі нысандарын пайдалана отырып хабардар ету қажет: құқықтық тәрбие мен құқықтық мәселелер бойынша бұқаралық ақпарат құралдарында тиісті ақпаратты тарату, көпшілікке бағытталған іс-шаралар өткізу болып табылады.
Ақмола гарнизоны әскери сотының
бас маманы Р.Махина
[xfvalue_img]
7 пікір