«Тіл –халықтың жаны»

Қазақстан Республикасының «Тіл туралы» Заңының 4-бабында: «Мемлекеттік тіл – мемлекеттің бүкіл аумағанда қоғамдық қатынастардың барлық саласында қолданылатын мемлекеттік басқару, заң шығару, сот ісін жүргізу және іс қағаздарын жүргізу тілі» делінген.Тіл тағдыры – ұлт тағдыры, отан сүйгіштіктің, ұлттық намыстың мәселесі. Сот жүйесіндегі мемлекеттік тілдің мәртебесін көтеруде мемлекеттік қызметшілерге жүктелетін міндет зор. Сондықтан, сотта істерді қарау барысында мемлекеттік тілді кеңінен қолдану қажет. Қазіргі таңда мемлекеттік тілді білуге, қастерлеуге талап күннен-күнге жоғарылап келеді. Қазақ тілінің даму үрдісіне Сырым аудандық соты да өз үлесін қосып отыр. Аудандық сотта мемлекеттік құжат айналымы жоғары деңгейде және де қазақ тілін дамытудың мақсаттары жайлы мемлекеттік мекемелер мен сот қызметкерлері арасында семинар сабақтары, дөнгелек үстел және ашық есік күндері өтеді.
Елбасымыз «Қазақ тілі үш тілдің біреуі болып қалмайды. Үш тілдің біріншісі, негізгісі, бастысы, маңыздысы бола береді. Қазақ тілі – Қазақстан
Республикасының мемлекеттік тілі», - деп атап көрсеткенді. Соттардың шешіміне қарап, қоғамның мемлекетке көзғарасы қалыптасады, заңнын
үстемдігін қамтамасыз ету және азаматтардың мүдделерін қорғау қабілеті болады», - деген еді. Елбасымыздың «Өзіміз ана тілімізде сөйлемегенше, өзге
ешкім де бұл тілді шындап құрметтемейтінін білуіміз керек. Бұл ретте, ең алдымен, қазақ азаматтарының намысына салмақ салмай болмайды. Ана
тілін білмеу - қазақ азаматы үшін ұят болып саналуға тиіс», - деген сөздерін ұмытпайық.
Барлығымыз білеміз қазіргі таңда өзекті мәселелердің бірі - мемлекеттік тіл мәселесі. ҚР Президенті өзінің халыққа Жолдауында мемлекеттік тілдің мәртебесін көтеру мәселесін негізгі мақсат етіп қойды. Сондықтан барлық құқық қорғау органдарында мемлекеттік тілді дамыту бағдарламасы бар екені сөзсіз.

Жанна-Мари Вебер

Сырым аудандық сотының Кеңсе меңгерушісі

Батыс Қазақстан облысы