Соттың шешімімен жұмыскер жұмысқа қайта қабылданды
Елорданың Есіл аудандық соты М- ның «S» жауапкершілігі шектеулі серіктестігіне бала күтімі бойынша жалақысы сақталмайтын демалыс беру туралы бұйрық шығаруға міндеттеу, жұмыстан босату туралы бұйрықты заңсыз деп тану және жалақы төлеуді жүргізуге міндеттеу туралы талап қоюы бойынша азаматтық істі қарады.
Сотта талап қоюшы жауапкердің компаниясында заңгер ретінде жұмыс істегені анықталды. 2021 жылғы 8 қарашада М. ЖШС директорының атына 2021 жылғы 12 қарашадан бастап 31 желтоқсанға дейін бала 3 жасқа толғанға дейін оның күтімі бойынша жалақысы сақталмайтын демалыс беру туралы өтініш берген.
11 қарашада талап қоюшы алдыңғы өтінішке жауап беру туралы арызбен қайта жүгінген және 12 қарашадан бастап М. өтінішті қанағаттандырады деген есеппен, жұмысқа шықпаған.
Жұмыс берушінің 8 желтоқсандағы бұйрығымен талап қоюшымен еңбек шарты дәлелді себепсіз жұмыста болмағаны үшін бұзылған. Нәтижесінде М. өз құқықтарын қорғау үшін сотқа жүгінді.
Сот шешімімен талаптар ішінара қанағаттандырылды, жұмыстан босату туралы даулы бұйрық заңсыз деп танылды және күші жойылуға жатады.
Шешім заңды күшіне енген жоқ.
[xfvalue_img]
7 пікір