Ювеналды сотта сот актілерін орындау бойынша семинар өтті

Батыс Қазақстан облысының кәмелетке толмағандар істері жөніндегі мамандандырылған ауданаралық  сотында  БҚО облысының жеке сот орындаушыларының өңірлік палатасының  және мемлекеттік сот орындаушыларының  қатысуымен «Сот актілерінің орындалуы» тақырыбында онлайн-семинар өткізілді.

Сот төрайымы С.Кадралиева өз сөзінде атқарушылық іс жүргізу кезеңі азаматтық іс жүргізу міндеттерін шешу үшін қажетті болып келетіндігін, себебі істің қисынды аяқталуына әкеліп, әділеттіліктің  тиімділігін  анықтайтындығын атап өтті.

Кездесу барысында соттың сот орындаушыларымен өзара іс-қимылы, атқару құжаттарын негізсіз қайтару, баламен араласу тәртібін аныктау істері бойынша шығарылған сот актілерін орындау кезіндегі туындайтын жеке сот орындаушылардың тарапынан атқарушылық іс жүргізуді қозғаудан бас тарту себептері бойынша мәселелер талқыланды. Сонымен қатар, нақты атқару құжаттарды негізсіз қайтаруды жоюға әкелетін пікір-ұсыныстармен алмасты.

Семинар  соңында туындаған мәселелер мен оларды шешу тәсілдері талқыланып, қорытындысы бойынша қатысушылар тиісті ұсынымдар шығарды. 

Ж.Утегенова 

Кеңсе меңгерушісі