Моралдық және материалдық залалды өндіру туралы талап медиациямен шешілді
Медиацияның қолданылу аясы – жеке және (немесе) заңды тұлғалардың қатысуымен азаматтық-құқықтық қатынастардан туындайтын даулар (жанжалдар).
Талапкер М. Орал қаласының №2 сотына материалдық залалды өндіру және моралдық зиянды өтеу туралы талап арызбен жүгінді.
2021 жылдың қаңтарында емхана аумағындағы ғимараттан шыққан кезде кенеттен талапкердің үстіне қалың қар гүмп ете түседі. Үйге әрең жеткен соң, жедел жәрдем бригадасын шақыртып, оны облыстық ауруханаға жеткізеді. Ол жерден ем қабылдайды. Шығарылған кезде қойылған диагнозы: «Жабық ми сүйегінің жарақаты, мидың шайқалуы, сонымен қатар бастың төбе сүйегі аймағының жұмсақ тіндерінің жарақаты, аралас типті нейроциркуляторлық дистония, миокард дистрофиясы» қойылды. 2020 жылдың ақпан айынан бастап бірінші топтағы мүгедектік берілген.
Істі қарау барысында тараптар дауды бейбіт жолмен шешті, М.-ға моралдық зиян өтелді, сонымен қатар емхана қолтық тірегімен арнайы жүруші құрылғы алуға жолдама беруге көмек көрсетті.
Орал қаласының №2 соты
[xfvalue_img]
