ҚРКФ төрағасы Түркия кәсіподақтары Конфедерациясының XXIII Конгресіне қатысты

Қазақстан Республикасы Кәсіптік одақтар федерациясы «Турк-Иш» Түрік Республикасы кәсіподақтары Конфедерациясымен ынтымақтастық жөніндегі Меморандумға қол қойды

5-6 желтоқсан 2019 ж., Анкара (Түркия)

Қазақстан Республикасы Кәсіптік одақтар федерациясының (ҚРКФ) төрағасы Ералы Тоғжанов және «Турк-Иш» Түрік Республикасы кәсіподақтары Конфедерациясының президенті Эргюн Эталай  5-6 желтоқсанда Анкарада ұйымдастырылған «Турк-Иш» Түрік Республикасы кәсіподақтары Конфедерациясының XXIII Конгресі аясында  ынтымақтастық жөніндегі Меморандумға қол қойды.

Түрік әріптесімен кездесу барысында ҚРКФ төрағасы Ералы Тоғжанов Қазақстан Халықаралық еңбек ұйымына (ХЕҰ)  енгелі, әлеуметтік әріптестік институты және сонымен бірге кәсіподақ қозғалысы жедел қарқынмен дамып келе жатқанын атап өтті. 

        «Әлеуметтік әріптестер арасында әлеуметтік, экономикалық және еңбек мәселелері бойынша  үшжақты кеңесулер, ұсыныстар мен келіссөздер қоғамдағы әлеуметтік наразылықтарды төмендетуге негіз болып отыр  және бұл тұрғыда әлеуметтік диалог жүргізуде  кәсіподақтарға  басты роль берілген», - деп атап айтты Ералы Тоғжанов.

Қазақстан Республикасы Кәсіптік одақтар төрағасының айтуынша, кәсіподақ ұйымы бар кәсіпорындарда қауіпсіз еңбек жағдайлары қамтамасыз етілген, еңбек қатынастары тұрақты, жалақылары уақытында төленіп, әлеуметтік төлемдер мен өтемақы төлеуге кепілдік сақталып отыр.

«Қазір ұжымдық шарт жұмысшылардың әлеуметтік- еңбек құқығын қорғауда кәсіподақтардың басты құралына айналған және жұмыс берушілермен бірлескен жұмыс барысында тиімділігін көрсетіп отыр», - деп атап көрсетті ҚРКФ басшысы. 

  Ералы Тоғжанов «Турк-Иш» Түрік Республикасы кәсіподақтары Конфедерациясының президенті Эргюн Эталайға арнаған сөзінде  Қазақстан мен Түркияның  ұлттық кәсіподақ орталықтары екі ел еңбеккерлері  мен кәсіподақтары арасындағы ынтымақтастықты дамытуға  және түсіністікті тереңдетуге бағытталған іскерлік байланыста екендігін атап айтты.

Келіссөздер барысында тараптар ынтымақтастықтың негізгі бағыттары: әлеуметтік әріптестікті дамыту, тұрғындарды жұмыспен қамту және жұмыссыздықпен күресте белсенді саясат,  әлеуметтік-еңбек қатынастарын ұжымдық келісімдер арқылы реттеу, еңбек қауіпсіздігін талқылады. Сонымен қатар, кәсіподақтар көшбасшыларын дайындау мақсатында тараптар кәсіподақтық кадрлардың біліктілігін  арттыру бойынша бірлескен іс-шаралар өткізуге уағдаласты.

            Қазақстан мен Түркия кәсіподақтары ұйымдарының басшылары бұл құжат екі ел еңбеккерлері арасындағы түсіністікті одан  әрі дамытып,  ынтымақтастық пен әріптестік қарым-қатынасты тереңдетуге  ықпал етеді  деп атап өтті.

 «Турк-Иш» - 820 мың мүшесі бар Түркияның бұрыннан келе жатқан және ең ірі кәсіподақтар орталығы. Түркия республикасындағы 20 өндіріс саласының 33 мүшелік ұйымының басын біріктіреді.    «Турк-Иш» Халықаралық кәсіподақтар конфедерациясына (ХКК)  кіреді және осы ұйымының президенті Эргюн Эталай ХКК вице-президенті, ХКК Исполкомының мүшесі сонымен қатар, Еуропалық кәсіподақтар конфедерациясына  (ЕКК) кіреді әрі Экономикалық ынтымақтастық және даму ұйымы (ЭЫДҰ)  жанындағы кәсіподақтық консультативтік кеңестің мүшесі.

Анықтама: «Турк-Иш» - Түркиядағы бұрыннан келе жатқан және ірі ұлттық кәсіподақтар орталығы, құрамында 820 мың кәсіподақ мүшесі бар. 5-6 желтоқсанда Анкарада өтіп жатқан «Түрк-Иш» Түрік Республикасы кәсіподақтары Конфедерациясының XXIII Конгресіне ХЕҰ, ХКК өкілдері, Әзірбайжан, Қазақстан, Өзбекстан, Сербия, Албания, Пәкістан,  ХКК (Азия-Тынықмұхиты аймағы),Украина, ЕКК, Косова, Көліктік жұмысшылардың халықаралық федерациясы, (ХКФ), Албания кәсіподақтар конфедерациясы  (KSSH), Греция, Беларусь, Македония, Палестина кәсіподақтық ұйымдарының басшылығы шақырылған.

            ҚРКФ төрағасы  ХКК мен БЕӨК басшылығымен бірқатар екіжақты кездесулер өткізді

ҚРКФ төрағасы Ералы Тоғжанов «Турк-Иш»  Түркия кәсіподақтары Конфедерациясының  Анкарада ұйымдастырылған  XXIII Конгресі аясында   бірқатар екіжақты кездесулер өткізді.   

Қазақстан Республикасы кәсіптік одақтар федерациясы мен Халықаралық кәсіподақтар конфедерациясының  Бүкілеуропалық өңірлік Кеңесі (ХКК БЕӨК)  арасындағы ынтымақтастық мәселелерін ҚРКФ төрағасы Ералы Тоғжанов пен Халықаралық кәсіподақтар конфедерациясының  Бүкілеуропалық өңірлік Кеңесінің президенті Ираклий Петриашвили талқылады. Тараптар әлеуметтік-еңбек қатынастары саласындағы халықаралық ынтымақтастықты дамыту мәселелерінде бірлесе әрекет етуге баса назар аударды.

Халықаралық ынтымақтастық мәселелері  ҚРКФ төрағасы мен Халықаралық кәсіподақтар конфедерациясының (ХКК)  кеңесшісі Яп Винненмен болған кездесуде де жалғасын тапты. Тараптар ҚР Кәсіптік одақтары федерациясының  Халықаралық еңбек ұйымындағы сарапшылар комитетінің ұсыныстары бойынша  «Кәсіптік одақтар туралы» заңға байланысты қолға алып жатқан іс-шараларды талқылады.

ҚРКФ төрағасы атап өткендей,  еңбек және әлеуметтік заңнамаларды еңбек саласындағы халықаралық стандарттарға сәйкестендіру «Қазақстан Республикасының еңбек мәселелері бойынша бірқатар заң актілеріне өзгертулер мен толықтырулар енгізу туралы» заң жобасын қабылдауға әзірлеу арқылы жүргізілуде.

Ералы Тоғжановтың айтуынша, ұсынылып отырған өзгертулер мен толықтырулардың жалпы саны – 163, оның ішінде  19 өзгерту Халықаралық еңбек ұйымының ұсыныстары мен конвенцияларды жүзеге асыруға бағытталған.

         Сонымен қатар, Анкарадағы Конгресс аясында Ералы Тоғжанов Әзірбайжан кәсіподақтары Конфедерациясы төрағасының орынбасары Джаваншир Алхасовпен кездесті. Әзірбайжан кәсіподақтары Конфедерациясы ХКК тең құқылы мүшесі болып саналады. ҚРКФ  және ӘКК арасындағы ынтымақтастық туралы Меморандумға 2015 жылы қол қойылған.

Кедесу барысында Қазақстан мен Әзірбайжан кәсіподақтық ұйымдары арасындағы ынтымақтастық, достық және  іскерлік байланыстарды одан әрі тереңдету мәселелері талқыланды. Нақтырақ айтқанда, тараптар халықаралық ұйымдар аясында екі ел кәсіподақтары ынтымақтастығы мен кәсіподақтар жұмысын одан әрі жетілдіру мақсатында үздік тәжірибелермен бөлісу сонымен қатар, біліммен алмасу  жайы сөз болды. Әзірбайжан кәсіподақтары Конфедерациясы  құрамында 27 салалық және 1 аумақтық кәсіподақтық бірлестік бар. Мүшелерінің саны – 1 600 000 адам.

         ҚРКФ төрағасы Ералы Тоғжанов сонымен қатар, Өзбекстан кәсіподақтары Федерациясының төрағасы Кудратилла Рафиковпен келіссөздер жүргізді. Өзбекстанның  кәсіподақтары Федерациясы  Халықаралық кәсіподақтар конфедерациясының Халықаралық кәсіподақтар конфедерациясының  ассоциацивті мүшесі.  Екі ұлттық Федерация арасындағы ынтымақтастық алты жыл бұрын бекітілген Меморандумнан бастау алады.  

         Кездесу барысында бірлескен жұмыстардың болашақ бағыттары Ортаазиялық мемлекеттер (Қазақстан, Қырғызстан, Тәжікстан, Өзбекстан және Түркіменстан) кәсіподақтарының өңірлік бірлескен іс-әрекеттері туралы Келісімге қол қоюдың болашағы талқыланды.

Қазіргі күні Өзбекстанның кәсіподақтар Федерациясына өз құрамдарында 6,1 миллион адам бар 14 салалық кәсіподақтар, Қарақалпақстанның  республикалық, Ташкенттің қалалық, 12 кәсіподақтық ұйымдардың облыстық бірлестіктері кіреді.

        Екіжақты келіссөздер сонымен қатар, Украина және Беларусь елдерінің ұлттық кәсіподақтары бірлестіктерінің басшылары Григорий Осов пен Анна Варфоломеевамен де жүргізілді.