Семинар өтті

2024 жылы 12–ші сәуірде, Ақтау қаласында, Маңғыстау облысы бойынша Мемлекеттік кірістер департаментінің ғимаратында, Мемлекеттік кірістер комитетімен ұйымдастырылған, халықтың, соның ішінде «Қарызсыз қоғам» жобасының кеңесшілері, білім басқармасының жұмысшылары, «Атамекен» ҰКП, «Азаматтарға арналған мемлекеттік корпорация» КЕАҚ (ХҚКО), аудандық, әкімшілік және қалалық соттар судьялары,  «Ұлы Дала» «Ауылдық кәсіпкерлікті дамыту қауымдастығы» РҚБ қызметкерлері, сондай–ақ Маңғыстау және Атырау облыстары бойынша Мемлекеттік кірістер департаментінің қызметкерлері қатысумен, «Жеке тұлғалардың банкроттығы» және «Жалпыға бірдей декларацияның» III–кезеңі атты екі маңызды тақырыпта семинар өтті.

Сондай–ақ, бұл іс–шара Заңда көзделген рәсімдерге тікелей байланысты және қатысушылары болып табылатын қаржы басқарушылары мен банктердің өкілдері, Жалпыға бірдей декларациялау процессіне қатысушылырдың өкілдері сияқты заң саласының мамандары үшін ерекше өзекті болды.

Отырыстың баяндамашылары:

ҚР ҚМ МКК–нің Жеке тұлғалардың кірістерін әкімшілендіру басқармасының басшысы – Д.К. Кусаинова;

ҚР ҚМ МКК–нің Дәрменсіз борышкерлермен жұмыс басқармасының басшысы М.К. Сисембаева;

ҚР ҚМ МКК–нің Дәрменсіз борышкерлермен жұмыс басқармасының басшы орынбасары – А.Б. Рахметова;

ҚР ҚМ МКК–нің Жеке тұлғалардың кірістерін әкімшілендіру басқармасының сарапшысы – Е. Көптілеуұлы;

Маңғыстау облысы бойынша МКД басшысының орынбасары – Е.Т. Өтеев.

Бұл семинарда, жалпыға бірдей декларациялаудың III кезеңінің мәселелері жан–жақты қамтылып және жалпыға бірдей декларациялау мәселелері бойынша соңғы жылдары атқарылған жұмыстар туралы баяндалып, қысқаша ақпарат берілді, сонымен қатар, баяндамашылар декларацияларды қабылдау үдерісіне тікелей қатысатын мамандарға да түсіндірме жұмыстарын жүргізді. Семинар барысында, соңғы жылдардағы банкроттық рәсімдерінің толық статистикасы ұсынылып, банкроттық рәсіміне және азаматтардың төлем қабілеттілігін қалпына келтіруге қатысты практикалық жағдайлар қарастырылды, сондай–ақ «Төлем қабілеттілігін қалпына келтіру және Қазақстан Республикасы азаматтарының банкроттығы туралы» Заңының негізгі мәселелері бойынша түсіндіру жұмыстары жүргізілді. Семинар соңында барлық тыңдаушыларға сертификаттар табыс етілді, ал МКО қызметкерлері заңнаманы білуге тестілеуден өтті.