Нұр-Сұлтандық полицейлер хош иісті әтірлерді ұрлаған қызды ұстады
Елордада жедел уәкілдер 24 жастағы қала тұрғынын ұстады.
Анықталғандай, бұрын сотты болған ұры кешкі сағат 20.46-да «Диона» дүкеніне барған. Ол өзі ұнататын иіссуларды іздеп жатқандай кейіп танытып тұрып алайда түрлі маркадағы әтірлерді ұрлаған. Бейнебақылау камераларындағы жазбаға сәйкес бойжеткен сөреден ұрланған жалпы құны шамамен 60 мың теңгеден асатын «Kenzo», «Dolce & Gabbana» және «MONTALE» маркаларының иіссуларын сөмкесіне салып кетіп қалған.
Аталған күдікті күндізгі уақытта екінші рет ұрлыққа барған. Бұл жолы «Вкус Март» дүкенінен 46 мың теңгелік қымбат шоколад пен басқа да азық-түлік өнімдерін қолды еткен.
Қазіргі уақытта ұсталған азаматша осыған ұқсас ұрлықтың 7 эпизодын жасады деген күдікке ілінді.
Оған қатысты «Ұрлық» бабы бойынша сотқа дейінгі тергеу басталды.
Полиция департаменті кәсіпкерлерге қырағы болуға және тауарлық-материалдық құндылықтар сақталатын үй-жайларға бейнебақылау камераларын орнатуға кеңес береді.
Нұр-Сұлтан қ. ПД Баспасөз қызметі
[xfvalue_img]
