Тұрмыстық сыбайлас жемқорлықты жою, қолайлы жағдайлар жасау және сыбайлас жемқорлыққа қарсы мәдениетті қалыптастыру...

«Қызылжар – адалдық алаңы» жобалық кеңсесінің осы басты мақсаттары туралы «Қазақстан Республикасы Төтенше жағдайлар министрлігі өнеркәсіптік қауіпсіздік комитетінің Солтүстік Қазақстан облысы бойынша департаменті» республикалық мемлекеттік мекемесінің қызметкерлеріне арналған ақпараттық кездесуде жобалық кеңсенің менеджерлері айтып берді.

Кездесу барысында «Қызылжар – адалдық алаңы» жобалық кеңсесінің басшысы Сәлімхан Сәбитов өңірдегі тұрмыстық сыбайлас жемқорлыққа қарсы күрес және коорупциялық құқық бұзушылық фактілері туралы хабарлаған адамдарды көтермелеу құралдары туралы қысқаша айтып берді.

Өз кезегінде Департамент басшысы Артур Молдағұлов өз ведомствосында осы бағытта жүргізіліп жатқан жұмыстар туралы айтып берді.

«Қазақстан Республикасы Төтенше жағдайлар министрлігі өнеркәсіптік қауіпсіздік комитетінің Солтүстік Қазақстан облысы бойынша Департаментімен 4 мемлекеттік қызмет көрсетіледі: жарылыс жұмыстарын жүргізуге рұқсат беру; қауіпті өндірістік объектілерді салуға, кеңейтуге, реконструкциялауға, жаңғыртуға, консервациялауға және жоюға арналған жобалық құжаттаманы келісу; қауіпті техникалық құрылғыларды есепке қою және есептен шығару; өнеркәсіптік қауіпсіздікті декларациялайтын заңды тұлғалар басшыларының, сондай-ақ аталған заңды тұлғалардың тұрақты жұмыс істейтін емтихан комиссиялары мүшелерінің емтихан тапсыруы. Барлық қызметтер электрондық форматта көрсетіледі», - деп атап өтті Артур Молдағұлов.

Естеріңізге сала кетейік, егер азаматтар мемлекеттік мекемелерде қызмет алу кезінде әкімшілік кедергілерге тап болса немесе тиісті кеңес алу қажеттілігімен 87075641424 телефон нөмірі (қоғамдық бақылау картасы) бойынша тікелей хабарласуды сұраймыз.