«ANTIKOR.LIVE»: парасаттылыққа тексеру институтын енгізу
ШҚО сыбайлас жемқорлыққа қарсы қызмет басшысының бірінші орынбасары Жігер Байділдин "ANTIKOR.LIVE" жобасы аясында өткен тікелей эфирде сыбайлас жемқорлыққа қарсы іс-қимыл саласындағы заңнаманың жекелеген ережелерін жетілдіру бойынша бастамалар туралы айтып берді.
Қазақстанда сыбайлас жемқорлыққа қарсы іс-қимылдың тиімді жүйесін қалыптастыру бойынша дәйекті қадамдар қабылдануда.
Жаңашылдықтар арасында – парасаттылыққа тексеру институтын енгізу.
Парасаттылыққа тексеруді ең алдымен құқық қорғау органдарының қызметкерлері болып табылатын және бақылау-қадағалау функцияларын жүзеге асыратын мемлекеттік қызметшілерге қатысты енгізу ұсынылады.
"Тексеру нәтижесі теріс болған жағдайда - қызмет бабын пайдалана отырып, пара, өзге де пайда мен мүліктік сипаттағы артықшылықтар алуға келісім білдірген жағдайда – тестіленуші (тексерілуші) жұмыстан босатылады", - деді спикер.
Сыбайлас жемқорлыққа қарсы іс-қимыл мәселелері бойынша заң жобасының тұжырымдамасы жария талқылауға шығарылды.
Ұсынылған өзгерістердің толық тізбесімен https://legalacts.egov.kz/npa/view?id=4283406 сілтемесі бойынша танысуға болады.
[xfvalue_img]
