АҚМОЛА ОБЛЫСЫ ӘКІМІНІҢ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ЖӨНІНДЕГІ КЕҢЕСШІСІ ТАНЫСТЫРЫЛДЫ

«AQMOLA - Adaldyq alańy» жобалық кеңсесінің басшысы Самира Тайтенова Ақмола облысы әкімінің сыбайлас жемқорлыққа қарсы іс-қимыл мәселелері бойынша штаттан тыс кеңесшісі болып тағайындалды.

Тайтенова Самира Өмірбайқызы 1998 жылы Ақмола облысында дүниеге келген. Жоғары заңгерлік білімі бар. Еңбек жолын «Нұр Отан» партиясы жанындағы «Жас Отан» ЖҚ Ақмола облыстық филиалында бастап, белсенді азаматтық ұстанымды көрсетті. Бір жылдан астам жобалық кеңсесінің басшысы болып табылады. 

        Сыбайлас жемқорлыққа қарсы мәдениетті қалыптастырудағы жемісті қызметі үшін бірнеше рет ҚР Сыбайлас жемқорлыққа қарсы іс-қимыл агенттігі Төрағасының Алғыс хатымен марапатталды. 

        Естеріңізге сала кетейік, «AQMOLA - Adaldyq alańy» жобалық кеңсесі - бұл сыбайлас жемқорлыққа қарсы іс-қимыл саласында өңірдің кез келген тұрғыны оны қызықтыратын мәселелер бойынша қайда жүгіне алатын, мемлекет пен азаматтық қоғамның өзара іс-қимылының бірегей алаңы болып табылады. 

        Жобалық кеңсе Көкшетау қаласы, Сәтпаев к-сі, 1 мекен-жайы бойынша орналасқан, байланыс телефондары: 8 (7162) 50-70-61, 8 705 585 94 32. Электрондық пошта: adaldyq_alany@aqmola.gov.kz. 

        Осы жоба аясында іске асырылатын мемлекеттік аппараттың ашықтығы мен есеп беруі тұрмыстық сыбайлас жемқорлықты жою үшін жағымды жағдай жасауда.