Шартты түрде мерзімінен бұрын босатылған азамат заңды бірнеше рет бұзғаны үшін түзеу мекемесіне оралды.

2011 жылдың қазан айында қылмыстық істер жөніндегі мамандандырылған ауданаралық сотының үкімімен «А» есімді елорда тұрғыны аса ірі көлемде есірткі затын заңсыз сақтағаны үшін жазасын ерекше режимдегі колонияда өтеуге 11 жыл 6 ай мерзімге бас бостандығынан айырылды.

Түзету мекемесінен мерзімінен бұрын босатылғаннан кейін "А"есімді азамат, әкімшілік құқық бұзушылықтарды жасау арқылы (қоғамдық орында мас күйінде келу, жалпы пайдалану орнын ластау, қоғамдық тәртіпті бұзу) мерзімінен бұрын босату шарттарын бұзып қана қоймай, сонымен қатар, оған қатысты сот жүктеген міндеттер мен шектеулерді орындамаған.

Нұр-Сұлтан қаласы ПД «Сарыарқа» ауданы ПБ-ның учаскелік полиция инспекторымен "А"есімді азаматпен құқық бұзушылыққа жол бермеу және шартты түрде мерзімінен бұрын босату шектеулерінің сақтауы туралы профилактикалық әңгімелер жүргізілген. Алайда, ол түзету жолына түскен жоқ, профилактикалық әңгімелесуден тиісті қорытынды жасамай, қасақана әкімшілік құқық бұзушылық жасап, оған соттың жүктеген міндеттерін орындамаған.

"А"есімді азаматтың мерзімінен бұрын шартты түрде босату кезінде жүктелген міндеттер мен шектеулерді орындаудан қасақана жалтару мен жіберілген құқық бұзушылықтардың сипатын ескере отырып, Нұр-Сұлтан қ.  Сарыарқа ауданының №2 аудандық сотының Қаулысымен  "А" азаматын мерзімінен бұрын шартты түрде босату туралы сот қаулысының күшін жою туралы ұсыныс шығарылды.

Нұр-Сұлтан қ. ПД баспасөз қызметі