«Абайлаңыз - жаяу жүргінші» Операциялық-профилактикалық іс-шарасы

Жаяу жүргіншілердің қатысуымен болатын жол-көлік оқиғаларын алдын-алу, елорданың көшелері мен жолдарында балалардың қауіпсіз жүріс-тұрыс дағдыларын бекіту, сондай-ақ балалардың өмірі мен денсаулығын сақтау мақсатында Астана қаласы ПД Жергілікті полиция қызметінің ювеналдық полиция қызметкерлері «Абайлаңыз – жаяу жүргінші» жедел алдын алу іс шарасы аясында «Хан Шатыр» ойын –сауық орталығында жол қозғалысы қауіпсіздігі ережелерін сақтауды насихаттауға, жарақаттанудың алдын алуға бағытталған  үгіт-насихат акциясын өткізді.

Өткізілген іс – шараның негізгі міндеттерінің бірі-жаяу жол қозғалысының қатысушылары тарапынан мәдениетті арттыру, сондай-ақ жүргізушілердің жаяу жүргіншілерге назары мен құрметін арттыру.

Үгіт-насихат іс-шарасы барысында ювеналды полиция бөлімшесінің қызметкерлері және жас жол қозғалысының инспекторлары жол қозғалысы ережелерін сақтау бойынша викториналар, ойындар және кәмелетке толмағандармен әңгіме жүргізді. Акцияға балаларды сауықтыру үшін аниматорлар, аквагрим суретшілері шақырылды. Акция барысында елорда тұрғындары мен қонақтарына жадынамалар, буклеттер, шарлар, жарық шағылыстыратын білезіктер мен брелоктар таратылды.

Астана қ. ПД-нің Жергілікті полиция қызметі