Сотталғандар теолог мамандармен кездесті

02.06.2022 жылы Қызылорда облысының дін істер басқармасының «Дін мәселелерін зерттеу орталығы» КММ-нің  теолог мамандары Ерубай Асхат Рустамұлы және Рүстембеков Бектөре Ғайноллаұлы  ЗК-169/4 мекемесіндегі сотталған азаматтармен кездесу өткізді.  Кездесудегі мақсат- сотталған азаматтарға жалған діни ағымдарды дәстүрлі діндерден қалай ажыратуға  болатындығы  жөнінде  және деструктивті діни ағымдардың ерекшеліктері туралы  дәріс беру.

Іс-шара барысында теолог маман сотталған азаматарға  рухани құндылықтарға баса назар аудару керектігін, дін саласына қатысты қандай да бір ақпаратты  дін саласында оқыған білікті мамандардан сұрау керек деді. Дәріс барысында намаз оқу тәртібін де айтып өтті. Теолог маман сотталғандардың діни ағымын анықтау үшін  жеке қатылдау да жүргізді.  

Іс-шараның соңында жазасын өтеушілер  аталған тақырып бойынша өздерін қызықтырып жүрген сұрақтар қойып, қойған сауалдарына толыққанды жауап алды.

« Бүгінгі теологпен кездесу барысында дәрісті тыңдай отыра көптеген діни сауаттылығымызды кеңейте алдық. Себебі, теолог маман өзге діни ағымдардың басты ерекшеліктері туралы  ашып түсіндірді. Өте маңызды тақырыптағы дәріс болғандықтан мұқият тыңдап, көптеген мәліметтер алдым»,- деді сотталған азамат. 

Дана Достанова

Қызылорда облысы бойынша ҚАЖД