Жеке қосалқы шаруашылықтарды қолдау шаралары АӨК дамыту жөніндегі ұлттық жобаға енгізілетін болады

Еліміздің агроөнеркәсіптік кешенін дамытуда жеке қосалқы шаруашылықтардың әлеуеті зор. Сондықтан оларды назардан тыс қалдырмау қажет

Статистика бойынша Қазақстандағы сүттің 75%-ы жеке қосалқы шаруашылықтарда өндіріледі. Алайда, логистиканың және орталықтан сатып алудың жоқтығынан, сондай-ақ сақтау, бастапқы өңдеу, азықпен қамтамасыз ету және айналым қаржысының жетіспеушілігіне байланысты ЖҚШ (жеке қосалқы шаруашылықтардың) өнімінің аз ғана көлемі қайта өңделеді.

Осы мәселені шешу және ЖҚШ-дың мүмкіндіктерін шоғырландыру үшін Президенттің тапсырмасымен кооперация арқылы ауыл тұрғындарының табысын ауқымды және тиімді арттыру бағытында Жамбыл облысында пилоттық жоба іске қосылды. Үкіметтің жобалық кеңсесінің салалық менеджерлері қазіргі уақытта әлеуметтік-кәсіпкерлік корпорациялардың қатысуы арқылы кооперативтерді құруды тікелей қаржылық және ұйымдастырушылық қолдау бойынша модельдерді пысықтауда.

«Агроөнеркәсіптік кешенді дамыту» жөніндегі Ұлттық жобаның тұжырымдамасын әзірлеу кезінде Үкіметтің жобалық кеңсесінің тәжірибесі қолданылатын болады.

Анықтама:

2019 жылы республика бойынша сүт өндірісінің жалпы көлемі 3,9 млн.теңгені құрады, оның ішінде жеке қосалқы шаруашылықтардағы сүт өндірісі 3 млн. тоннаны құрады (сүт өндірісінің жалпы көлемінің 76%).

Шаруашылықтардың барлық санаттары бойынша шекілдеуікті және сүйекті жемістер өндірісі 278,7 мың тоннаны, ЖҚШ-да – 96,4 мың тонна (34,6%).

Шаруашылықтардың барлық санаттары бойынша жидек дақылдарының жемістерін өндіру көлемі 22,3 мың тоннаны, жеке қосалқы шаруашылықтарда - 20,5 мың тонна (92%) өндірілген.

Шаруашылықтардың барлық санаттары бойынша жаңғақтар өндірісі 3,8 мың тоннаны, жеке қосалқы шаруашылықтарда - 2,8 мың тоннаны (73%) құрады.

Өткен жылы 4,3 млн тонна көкөніс өндірілді, оның ішінде ЖҚШ-да – 1,6 млн тонна (37,2%).

Республикада 3,9 млн тонна картоп өндірілді, оның ішінде ЖҚШ-да – 2 млн тонна (53,2%).