Кәмелетке толмағандар арасындағы құқық бұзушылықтарды алдын-алу мәселесі дөңгелек үстелде талқыланды
Мұғалжар аудандық сотының төрағасы А.Т.Анарбаев аудандық прокуратура, білім бөлімі өкілдерінің және аудандық ювеналды полиция инспекторлар басшысының қатысуымен «Кәмелетке толмағандар арасындағы құқық бұзушылықтарды алдын-алу мәселесі» тақырыбында «WhatsApp» мобильдік қосымшасы арқылы дөңгелек үстел өткізді.
Сот төрағасы Абитхан Анарбаев дөңгелек үстелді кіріспе сөзімен ашып, әкімшілік және қылмыстық заңнамалардың негізгі ережелерін түсіндірді. Кәмелетке толмағандар тарапынан жасалған құқық бұзушылықтар үшін кәмелетке толмағандар мен олардың заңды өкілдерінің жауапкершілігі туралы, құқық бұзушылық пен қылмыстар жасаудың салдары жөнінде айтты. Судья кәмелетке толмағандарға қатысты қаралған істер бойынша сот статистикасын келтірді.
Шара қатысушылары өзара пікір алмасып, жасөспірімдерге профилактикалық іс-шараларды жиі өткізу керектігін атап өтті.
Мұғалжар аудандық сотының Баспасөз қызметі
[xfvalue_img]
