«Сотқа дейін тараптарды медиация тәртібінде татуластыру» тақырыбында кездесу

Ақжайық ауданының №2 аудандық сотының төрағасы Т.С.Гумарова тақырыбында кездесу  өткізді. Іс-шараға  судья В.Ш.Адушева, Тайпақ полиция бөлімінің бастығы Б.С.Уразов, Тайпақ ПБ-ның бастығының орынбасары А.М.Туркпенов, кәсіби емес медиаторлар С.Х.Тлекеева, О.Н.Жексенбаев және мобилді бейнеконференц байланысы арқылы Ақжайық аудандық прокуратурасының аға прокуроры Ж.Қадір, Тайпақ ПБ-нің анықтаушысы Е.Орашай, адвокат Т.А.Жусупов қатысты.

Бұл кездесудің мақсаты – қылмыстық сот ісін жүргізуде татуластыру бағыттарын дамыту.

Сот төрағасы Т.С.Гумарова кездесуге қатысушыларға «Татуласу сотқа дейін және сотта» атты  пилоттық  жобасы туралы айтып, қылмыстық іс жүргізуде медиация рәсімдерінің қолданылу тәртібін түсіндірді.

Шараға қатысушыларға сотқа дейінгі тергеу барысында медиаторларды тартуға, тараптарға медиатормен кездесуге жағдай туғызуға және қылмыстық процеске қатысушыларға Қылмыстық кодекстің 68 бабының негізінде медиация тәртібімен татуласудың артықшылықтарын міндетті түрде жете түсіндіруге шақырды.

Төрағаның айтуынша, сотқа дейінгі іс жүргізу барысында қылмыстық істерді медиация арқылы тоқтату жөніндегі жұмысты жандандыру қажет.

Іс-шара барысында қатысушылар қылмыстық істер бойынша сотқа дейінгі тергеп-тексеру кезінде  медиация рәсімін қолданудын ерекшеліктері мен туындайтын мәселелер бойынша пікір алмасты.

Главный специалист районного суда №2 Акжаикского района Масенов А.А.