Тұтынушы сотта тауардың сапасыздығын дәлелдеді және оның құны мен моралдық шығынын өндіріп алды

Орал қаласының №2 сотымен аяқ киім сатушысы мен сатып алушы арасында медиативті келісім орнатты. Тұтынушы сотқа құны 23500 теңге тұратын аяқ киімнің ақысы, 100000 теңге көлемінде моралдық шығын мен 50 000 теңге қорғаушысының қызметін өтеу туралы талап арызбен жүгінді. Оның көрсеткенінде, аяқ киімді сатып алғаннан кейін, оның іші мен сыртынан қажалған кемшіліктері байқалады, оған қоса табаны ашылып кетеді. Сатушыға шағымданған кезде, жеке кәсіпкер тарапынан кемшілікті тауарды өндіруші Турция елінде екенін айтып кері қайтарады.

Сотта жауапкер тауардың сапалы екенін алға тартып, өз кінасын мойнына алмайды. Сотпен тауарға сараптама тағайындалып, оның нәтижесінде тауардың халықаралық стандартқа сәйкес келмейтіндігі дәлелденеді. 

Осыдан кейін тараптар дауды бітімгершілікпен шешіп, жауапкер аяқ киімнің толық құнын, моралдық шығынның бөлігін және сот шығындарын, жалпы 70 000 тенгені екі ай мерзімінде төлеуге міндеттелді.

Тұтынушы моралдық және сот шығынының көлемін азайтты, өйткені сатушының да өндіруші тарапынан келтірілген кемшіліктері бар екендігін және оған қатысты да өз талаптарын қоятынын ескерді.

Сот ұйғарымы заңды күшіне енді.

О.Ташимова

Орал қаласының №2 соты