«SMART сот» пилоттық жобасы аясында азаматтық іс қаралды
Мұғалжар ауданының №2 аудандық сотының судьясы Ж.А.Кунаева «SMART сот» пилоттық жобасы аясында мобильді бейнеконференцбайланыс құралдарын пайдалану арқылы талап қоюшы Б-ның жауапкер К-ге медиативтік келісімді бұзу туралы талап қою арызы бойынша азаматтық істі қарады.
Талапкер өкілі Ақтөбе қаласынан сот отырысына келе алмағандықтан, «TrueConf» қосымшасы көмегімен бейнебайланыс арқылы қатысты.
«SMART сот» жобасы басқа қалада болған сот қатысушысына процеске қатысып, өзінің процесуалды құқықтары мен міндеттерін жүзеге асыруға, оның ішінде жарияланған сот актісі бойынша түсіндірмені онлайн режимінде алуға мүмкіндік берді.
[xfvalue_img]
