Сотта ішкі қауіпсіздік және сыбайлас жемқорлыққа қарсы іс-қимыл бойынша семинар –өткізілді

Батыс Қазақстан облысының кәмелетке толмағандардың істері жөніндегі мамандандырылған ауданаралық  сотында «Сыбайлас жемқорлыққа қарсы іс-қимыл және ішкі қауіпсіздік» тақырыбында семинар өткізілді.

            Іс-шараға   Батыс Қазақстан облысы бойынша МКҚБ ММ-нің қызметкерлері және ювеналдық сотының  приставы   қатысты.

Семинар өткізудің басты мақсаты - бұл сот қызметкерлерінің сот процесіне қатысушылармен процесуалды емес байланыстарын болдырмау және алдын-алу профилактикасы, өткізу режимінің талаптарын сақтау бойынша кешенді шараларды іске асыру және сыбайлас жемқорлыққа қарсы іс-қимыл бойынша шараларды іске асыру.

             Сот кеңсесінің меңгерушісі Ж. Б. Утегенова өз сөзінде сыбайлас жемқорлыққа қарсы іс-қимыл ел саясаты стратегиясының басты мақсаты екенін атап өтті.

           ҚР-нің "Мемлекеттік қызмет туралы", "Сыбайлас жемқорлыққа қарсы күрес туралы" заң талаптарында және жалпыға бірдей моральдық-этикалық нормаларында мемлекеттік қызметкерлердің мінез-құлқының негізгі стандарттары белгіленген. Мемлекеттік ұйымның әрбір қызметкерлері заң қағидаларын басшылыққа алуға, ҚР-ның нормативтік құқықтық актілерін мінсіз сақтауға, сыбайлас жемқорлықтың пайда болуына қарсы тұруы тиіс.

    Сот приставасы А. Карагойшин «Сыбайлас жемқорлыққа қарсы күрес туралы» заңының талаптарын мінсіз сақтауға, өткізу және сот ғимаратының ішкі объектілік режимін қамтамасыз ету қағидаларын қатаң басшылыққа алу қажеттілігіне назар аударды.

      Семинар соңында қатысушылар өзара пікір алмастырды.

Батыс Қазақстан облысының

кәмелетке толмағандардың істері жөніндегі

мамандандырылған ауданаралық  соты