Риелтор мен клиент арасындағы дау шешілді

ҚР АК 683 бабына сәйкес, өтелмелi қызмет көрсету шарты бойынша орындаушы тапсырысшының тапсырмасы бойынша қызмет көрсетуге (белгiлi бiр iс-әрекет жасауға немесе белгiлi бiр қызметтi жүзеге асыруға) мiндеттенедi, ал тапсырысшы бұл қызмет көрсетуге ақы төлеуге мiндеттенедi. Әдетте даулы жағдайлар жылжымайтын мүлік агенттерімен келісім жасасқаннан кейін, делдалдар өз міндеттемелерін орындамады деп азаматтардың бұл қызмет үшін ақша төлеуден бас тартқан жағдайда туындайды. Өз кезегінде соңғысы келісімшарт аясында әрекет еткеніне сенімді, сондықтан клиент ақы төлеуге міндетті деп есептейді.

Осылайша, Орал қаласының №2 сотына жеке кәсіпкер Ж. міндеттемелерді орындамағаны үшін соманы өндіріп алу туралы азамат К-ға қатысты талап арызымен жүгінді, талапкер мен жауапкердің арасында қызмет көрсету бойынша келесімшарт жасалған, оған сәйкес жылжымайтын мүлік агенттігі пәтерді сату бойынша қызмет көрсетуге міндеттенеді. Клиенттің әлеуетті мүлкі тексеріліп, тексеру актісі жасалды. Мамыр айының ортасында риэлтор мәміле оның қатысуынсыз болғанын анықтайды. Клиент пәтерді дәл сол жылжымайтын мүлік жөніндегі маман тапқан сатып алушыларға сатқан. Сондықтан ол клиентінен 300 000 теңге көлемінде, 65000 теңге айыппұл мен өкілдің көмегіне ақы төлеуін сұрады.

Соттың татуластырушы-судьясы Ш.Шайдиевамен тараптармен ақпараттық кездесу өткізіледі, онда олар дауды шешудің нұсқаларын талқылап, дауды медиация арқылы шешу туралы келісімге қол қойды, соған сәйкес талап қоюшы тұрақсыздық айыбын өндіріп алу туралы талаптардан бас тартты, ал жауапкер үш ай ішінде келісімшарт бойынша көрсетілген қызметтер үшін төлемді төлеуге міндеттенді.

Орал қаласының №2 соты