Мемлекеттік қызметшінің әдеп сақтауы - өз абыройы

Қазіргі таңда мемлекеттік қызметшілердің атқарған жұмысына, ұжымда және жұртшылықпен өзін ұстау іс-әрекеті мен мінез-құлқына және олардың қарапайымдық стиль үлгісінде киіну бейнесіне ерекше көңіл бөлінуде.

ҚР Президентінің 29 желтоқсан 2015 жылғы №153 Жарлығымен бекітілген Мемлекеттік қызметшілердің қызметтік әдеп қағидалары әдептіліктің, сыпайылықтың, қарапайымдылықтың негізі болып саналады және олар үшін тәртіптік әдеп стандартарын белгілейді.

Мемлекеттік қызметшілердің қызметін атқарудағы құзыреттерінің бірі тиімділік болып саналады. Мемлекеттік қызметшілер өз жұмысын тиімді атқару үшін қызметті басқару, ынтымақтастық, жеделділік, шешім қабылдау, өздігінен даму, қызметті тұтынушыға бағдарлау, сияқты қасиеттерді қалыптастыруы қажет.

Азаматтармен қарым-қатынас жасау кезінде  де өз ойын дұрыс және дәлелді түрде баяндап, сөйлеп отырған адамның сөзін бұзбай азаматтардың сұрақтарын мұқият тыңдап, әңгімелесушіге ізгі ниеттілік пен құрмет білдіру мемлекеттік қызметшіге қойылатын талаптардың бірі.

Сонымен қатар, елдегі ұлтаралық келісімді нығайтуға ықпал етуге,  Қазақстан халқының салт-дәстүрлеріне құрметпен қарауға, қоғамға жат мінез-құлық көрсетпей өзінің беделін түсіруге, қоғам тарапынан сын айту жағдайларына жол бермеуі тиіс.

Мемлекеттік қызметшілердің парасаттылық және адалдық сияқты тәртіптік әдеп стандарттарын сақтай отырып өз ұйымының беделін түсірмеуі қажет екендігін көрсететін әрекеттері, қылықтары және жүрісі мемлекеттік қызметші деген атаққа кір келтірмеуі, үлгілі мінез-құлқы-ізеттілік пен адалдықтың маңызды көрінісі болып саналады.

Қылмыстық істер жөніндегі

мамандандырылған ауданаралық

әскери сотының жетекші маманы                                                    

Асан Р.