Нұр-Сұлтанда ерлі-зайыптылар есірткі сату бойынша отбасылық кәсіп құрған

Елорда аумағында "Қарасор" Республикалық жедел алдын алу іс-шарасы аясында аса ірі көлемде есірткі жеткізумен және өткізумен айналысатын адамдарды ұстау бойынша арнайы операция жүргізілді.

Мәселен, есірткіні өткізу арнасының жолын кесуге бағытталған жедел-іздестіру іс-шараларын жүргізу кезінде Петров көшесінде елорданың 50 жастағы тұрғыны ұсталды, әйел адамның жеке заттарын тінту барысында сөмкесінен салмағы 400 грамм болатын сатуға дайындалған "гашиш" және "марихуана" есірткі заттары табылды.

Одан әрі пәтерді тінту барысында оның 47 жастағы күйеуі ұсталды, ол өз еркімен балконда сақталған 10 кг-ға жуық "гашиш" және 1,5 кг-ға жуық "марихуана" есірткі заттарын берді.

Сонымен қатар, Боталы көшесінің бойында есірткі сатуға қатысы бар отбасылық жұптың сыбайласы, 25 жастағы ер адам ұсталды. Оны жеке тінту және автокөлігін тінту барысында "марихуана" есірткі заты тәркіленген.

Тәркіленген есірткінің жалпы салмағы 11 килограмнан асты.

Аталған факті бойынша ҚР ҚК 297-бабы 3-бөлігі "есірткі заттарды, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту немесе өткізу" бойынша сотқа дейінгі тергеу жүргізілуде, бұл 12 жылға дейінгі мерзімге бас бостандығынан айыруға әкеп соғады.

Полиция қызметкерлері есірткінің жеткізу арнасын, сондай-ақ оның заңсыз айналымына қатысы бар адамдарды анықтауда.

Нұр-Сұлтан қаласы ПД ЕҚҚІБ бастығы полиция полковнигі Ерлан Ақбаровтың айтуынша, жыл басынан бері заңсыз айналымнан 130 келіден астам түрлі есірткі құралдары тәркіленген.

Нұр-Сұлтан қ. ПД баспасөз қызметі