Қазақстандық креаторлар Бангкоктағы TikTok LIVE Community Fest 2026 фестивалінде атап өтілді

2026 жылдың бірінші жартыжылдығында Оңтүстік-Шығыс және Орталық Азия елдеріндегі TikTok LIVE белсенді креаторларының саны өткен жылдың сәйкес кезеңімен салыстырғанда 50%-дан астам өсті. Деректер Бангкоктағы TikTok LIVE Community Fest 2026 фестивалінде ұсынылды, онда қазақстандық креаторлар платформаның жаһандық сахнасында жергілікті стримингтік қоғамдастықтың өсіп келе жатқан ықпалын растай отырып, халықаралық мойындауға ие болды.

TikTok LIVE Community Fest 2026 Таиланд астанасында «Be Part of the Win» («Жеңістің бір бөлігі болыңыз») ұранымен өтті. Іс-шара Оңтүстік-Шығыс және Орталық Азия елдерінен 300-ден астам LIVE-креаторларды жинады, олар бір-бірімен танысып, тәжірибе алмасып, өңірлік қоғамдастықтың жетістіктерін бірге атап өтті. 

Фестиваль үшінші жыл қатарынан өткізіліп, жаңадан бастаушыларға да, тәжірибелі креаторларға да қолдау көрсетуге бағытталған. Платформа авторларға білім алмасу мүмкіндіктерін, білім беру ресурстарын және аудиториямен жұмыс істеу дағдыларын дамытуға көмектесетін және тікелей эфирлерді кәсіби қызметтің перспективалы бағытына айналдыратын әртүрлі құралдарды ұсынады.

Кештің басты оқиғаларының бірі TikTok LIVE Community Fest 2026 Awards болды. Оңтүстік-Шығыс және Орталық Азия елдерінен 30-дан астам LIVE-креаторлар шығармашылық көзқарасы, аудиториямен шынайы қарым-қатынас орнату қабілеті және белсенді қоғамдастықтардың дамуына қосқан үлесі үшін марапаттарға ие болды. 

TikTok LIVE - тілдесу кеңістігінен де артық

Мұндай бастамаларға сұраныс Оңтүстік-Шығыс және Орталық Азия елдеріндегі TikTok LIVE жалпы динамикасын көрсетеді. 2026 жылдың бірінші жартыжылдығында бұл өңірде 95 миллионнан астам креатор тікелей эфир өткізді, бұл өткен жылдың сәйкес кезеңіндегі көрсеткіштен 50%-дан астам жоғары. Бұл ретте 40 миллионнан астам автор алғаш рет эфирге шықты, ал әрбір үшінші жаңадан бастаушы алғашқы 30 күннің ішінде алғашқы сыйақысын алды. Бұл көрсеткіштер тікелей эфирлер авторлар үшін аудиториямен қарым-қатынас жасау тәсілі ғана емес, сонымен қатар кәсіби дамудың толыққанды бағыты болғандығын көрсетеді.

Бұл ретте LIVE ойын-сауық форматының арнасынан шығатын танымал интерактивті контент форматына айналуда. Бүгінгі таңда тікелей эфирлер танымдық та сипатқа ие. Платформада саяхат, тарих және мәдениет туралы контент тұрақты түрде танымал болып келеді. Тікелей эфирде креаторлар жаһандық аудиторияны жергілікті дәстүрлермен, тарихи мұралармен және мәдени оқиғалармен таныстырады.

Мысалы, Таиландта TikTok LIVE елдің Туризм басқармасымен бірге платформада Таиландтың Жаңа жылының дәстүрлі мерекелеуіне – Сонгкранға арналған бірқатар эфирлер өткізді. Тікелей эфирдің арқасында әлемнің түкпір-түкпіріндегі көрермендер мерекенің әдет-ғұрыптарымен танысып, оны жергілікті тұрғындар қалай атап өтетінін көре алды.

Вьетнамда Мәдени мұраны сақтауды қолдау қорымен бірлесіп Beauty Vietnam жобасы жүзеге асырылды, ол миллиондаған TikTok пайдаланушыларын елдің төрт өңірінің – Бави, Даклак, Дьенбьен және Анзянгтың аңыздарымен, дәстүрлерімен және мәдени ерекшеліктерімен таныстырды.

Өз кезегінде, биыл Қазақстан TikTok LIVE Comes Alive жаһандық бағдарламасының бір бөлігіне айналды.  Бұл Қазақстан Республикасының Ұлттық музейі мен Almaty Museum of Arts-қа Museums Come Alive науқанының және #MuseumTok бастамасының аясында халықаралық аудиторияға таныстырылуға мүмкіндік берді. Жоба тікелей эфирлер музейлерге интерактивті форматта мәдени мұра туралы сөйлесуге және әлемдік аудиторияның назарын мәдениет пен өнерге аударуға қалай көмектесетінін көрсетті.

TikTok LIVE-та креаторлар өздерінің шығармашылық таланттарын көрсететін тікелей эфирлер де танымал бола бастады. Бұл үрдіс Қазақстанда байқалады, мұнда стримерлер арасында жарқын музыкалық орындаушылар көбейіп келеді. Мәселен, орындаушы Сухраб Курбанов @suhrab_k вокал мен шынайы жанды қарым-қатынас тәсілінің арқасында көрермендердің құрметіне ие болды. Оның тікелей эфирлері тек ән айту ғана емес, нағыз музыкалық кештер. Өз кезегінде, талантты гитарист Иван Жуков @mayduet гитараның дыбысын скрипка, виолончель және басқа аспаптармен үйлестіре отырып, басқа музыканттармен бірге жиі тікелей эфир өткізеді. Дарынды креаторлар музыка әуесқойларын Қазақстанда ғана емес, елден тыс жерлерде де біріктіреді.

Екі қазақстандық автор үздік TikTok LIVE-креаторларының қатарында

Тікелей эфирлердің негізінде жатқан жанды қарым-қатынас форматы қазақстандық аудиторияға өте жақын және ақындардың қоғамдық шығармашылығының ұлттық дәстүрлерімен үндес. Көрермендермен еркін қарым-қатынас жасау, импровизациялау, ән айту және нақты уақыт режимінде қызықты контент жасау қабілеті қазақстандық авторларға TikTok платформасында өз стилін табуға және өңірлік деңгейде көзге түсуге көмектеседі. Бұған қазақстандық креаторлардың TikTok LIVE Community Fest 2026 фестивелінде алған мойындауы дәлел болды. Арнайы марапаттар үш санат бойынша берілді: Legend, Platinum және Gold. Бас санаттарда Қазақстанның екі креаторы марапаттарға ие болды.

• Руслан Нуртазин @omgdnss жоғары санатта марапатталған алты креатордың бірі бола отырып, Legend іс-шарасының басты сыйлығын жеңіп алды. Оның эфирлері ойын-сауық контентінен асып түседі және әртүрлі елдердің көрермендері арасындағы қарым-қатынас пен мәдени алмасу кеңістігіне айналады.
• Сабина @pipikoldiko Gold сыйлығының иегері болды. Ол өзінің эфирлерінде жазылушыларымен ашық сөйлеседі, оларды диалогқа тартады және көрермендерді қоғамдастықтың бір бөлігіне айналдыратын атмосфера жасайды.

Өңірлік деңгейде мойындау Орталық Азияның LIVE креаторлары платформаның халықаралық қауымдастығының көрнекті бөлігіне айналғанын көрсетеді. Қарым-қатынас жасау үшін өз кеңістіктерін құра отырып, олар көрермендерді ортақ мүдделер төңірегінде біріктіреді және аудиторияны қолдауды олардың шығармашылық дамуының маңызды құрамдас бөлігіне айналдырады.

TikTok LIVE Community Fest 2026 тікелей эфирлер танымал цифрлық контент форматына ғана емес, сонымен бірге бірлескен шығармашылық пен мәдени алмасу кеңістігіне айналатынын көрсетті. Бұл ретте әр автордың дамуының негізгі шарты қоғамдастықтың қолдауы болып қала беруде – диалогқа қатысатын, креаторларды шабыттандыратын және қолдайтын аудитория. 

TikTok туралы

TikTok – қысқа видеороликтерге арналған жетекші платформа. Біздің миссиямыз – адамдарды шығармашылыққа шабыттандыру және оларға қуаныш сыйлау.