СҚО полиция басшысы аудандық полиция бөлімінің жеке құрамына міндеттер қойды
https://youtube.com/shorts/sQXj3nAZ_6s?feature=share
«Заң мен тәртіп» қағидаты ең алдымен жергілікті жерлердегі нақты әрі күнделікті жұмыспен нығаяды. Солтүстік Қазақстан облысы полиция департаментінің бастығы, полиция полковнигі Руслан Назаров Жамбыл ауданы полиция бөлімінің жеке құрамымен жұмыс кездесуін өткізді. Оған аудан әкімі Азамат Бектасов және ішкі істер органдарының ардагерлері қатысты. Облыстық полиция басшысы Ішкі істер министрлігінің талаптарын жеткізіп, құқық бұзушылықтардың алдын алу, тәртіпті сақтау және жергілікті атқарушы органдармен тығыз өзара іс-қимыл жасауға баса назар аудара отырып, негізгі міндеттерді белгіледі.
Аудандағы жедел жағдай тұрақты, сонымен қатар жекелеген бағыттар тұрақты назар аударуды талап етеді. Мәселен, облыс бойынша жыл басынан бері пәтер ұрлығы 20,2 пайызға төмендеді: өткен жылдың сәйкес кезеңіндегі 114 фактіге қарағанда, биыл 91 дерек тіркелді. Бұл ретте өндірісі аяқталған қылмыстық істердің саны 42-ден 79-ға дейін өсті.
Өңірдегі жол қауіпсіздігі де жұмыстың маңызды бағыттарының бірі болып қала береді. Жыл басынан бері облыста 287 жол-көлік оқиғасы тіркелді. Бұл өткен жылмен салыстырғанда 21-ге аз. Алайда жол-көлік оқиғаларынан 25 адам қаза тапты. Сондықтан құқық бұзушылықтардың алдын алу және жол-көлік оқиғаларына жол бермеу полицияның басым міндеттері болып қала береді.
Учаскелік инспекторлар мен полицияның басқа да бөлімшелерінің қызметкерлері «Таза Қазақстан» жалпыұлттық экологиялық акциясы аясында кешенді жұмысты тұрақты жүргізіп келеді. Қызметкерлер рейдтер өткізіп, азаматтар мен ұйымдарға қалдықтарды шығару және жинақтау тәртібін түсіндіреді. 2024 жылғы сәуірден 2026 жылғы тамызға дейін облыста осы салада 38 мыңнан астам әкімшілік құқық бұзушылық анықталды.
Аудан полициясының жұмысы жергілікті атқарушы органдармен тұрақты өзара іс-қимылға негізделген. Ортақ міндет — құқық бұзушылықтардың алдын алу, тұрғындардың қауіпсіздігін қамтамасыз ету және қызметтік міндеттерді адал орындау. Осындай жүйелі жұмыс арқылы қоғамда «Заң мен тәртіп» қағидаты нығая түседі.
СҚО ПД баспасөз қызметі
[xfvalue_img]
