Мемлекеттік қызметкердің этикасы
Мұғалжар ауданының №2 аудандық сотының кеңсе меңгерушісі А.Кушкенбаева сот отырысының хатшылары, кеңсе мамандары арасында «Әдеп кодексі – мемлекеттік қызметкердің басты борышы» тақырыбында семинар өткізді.
Кеңсе меңгерушісі А.Кушкенбаева семинар барысында мемлекеттік қызметшілердің қызметтік этикасы қағидаларының негізгі ережелерін түсіндірді. Сонымен қатар мемлекеттік қызметшілердің «Қазақстан Республикасы мемлекеттік қызметшілердің әдеп кодексі» және «Сот мамандарының мінез-құлық стандарттары» талаптарын сақтаудың маңызыдылығын айта келе, жалпы қабылданған моральдық-этикалық нормаларды сақтауы, азаматтармен және әріптестерімен қарым-қатынаста сыпайылық пен әдептілік танытуы, мемлекеттік және еңбек тәртібін бұлжытпай сақтауы, өзінің әрекетімен және мінез-құлқымен қоғам тарапынан сынға түсуге жол бермеуге, жемқорлыққа және қызметтік әдеп нормаларының бұзылуына жол бермеу тиіс екендігін атап өтті.
Іс-шара соңында қатысушылар өзара пікір алмасып, семинардың маңыздылығын атап өтті.
[xfvalue_img]
