Зорлық-зомбылыққа жол жоқ

Бүгінгі таңда тұрмыстық зорлық, отбасының жағымсыз жағдайы ғана емес, бүкіл қоғамдық өмірдің  кеселі болып табылады. Отбасы шағын мемлекет,шаңырақтың шайқалып,бейкүнә сәбилердің жаутаң көзге айналып жататынын, анасының еңіреген даусы баланың жүрегінде қалатыны ұмытылмас жағдай.       

Қазақстан Республикасының әкімшілік құқық бұзушылық туралы кодексінің 73 бабында құқық бұзушымен отбасы- тұрмыстық қатынастардағы адамдарға сыйламаушылық көрсету, өзінің айналасындағы үйіндегі анасына, зайыбына, бауырларына лас сөздермен былапыт сөйлеу, қорлап тиісу,кемсіту немесе үйдегі тұрмыстық заттарын бүлдіру және сол ортаның тыныштығын бұзу жалпы айтқанда жеке үйде, не болмаса өзге түрғынжайда жасалған басқа да әрекеттері үшін бірінші ескерту, не үш тәулік мерзімге әкімшілік қамақ сияқты жазалар беріледі. Егерде бір жыл ішінде әкімшілік құқық бұзушылық қайтадан қайталанса онда заңда көзделгендей он тәулік әкімшілік қамақ жазасы қолданылады. Қазіргі таңда азаматтардың отбасылық қарым-қатынасының төмендігі біріншіден отбасылық сыйластықтан , жұмыссыздық, жалқаулық, ішімдік салдары немесе өз-ара қызғаныштан болатын жанжалдан басталады. Бұрын үлкендері бар ауылдың ақсақалдарының бір ауыз сөзінен сескенетін жастарымыз қазіргі таңда жоқтың есебі. Үйдегі жанжал сол ортаның отбасылық жандарына байланысты болатынын айтуға болады. Бір ауыз сөзден от шығады немесе арты жанжалға жалғасады. Бұрын ауданымызда әкімшілік құқық бұзушылық жасаған тұлғаларды аудандық теледидар каналдарынан көрсетіп отыратын, сол кездерде әр адамның намысы оянатын. Қазіргі уақытта газет бетінде қысқаша мақала жарияланды. Жалпы зорлық -зомбылықты болдырмау мақсатында профилактилық шаралар өткізіліп жатады, алайда салыстырмалы түрде қарасақ өткен  2021 жылдың төрт айында ҚР ӘҚБтК-нің 73 бабымен 25 тұлға әкімшілік  құқық бұзушылық жасаған болса, ал қазіргі уақытта 2022 жылдың төрт айында 20 тұлғаға  әкімшілік жаза қолданылған. Бұл көрсеткіш тек төрт айы ішіндегі әкімшілік құқық бұзушылық жасағандар.  

Отбасындағы зорлық-зомбылықты көріп өскен балалардың жағдайы не болмақ, олардың моральдық ауыр жарақат алатыны, баланың санасына  отбасында көргенді өсе келе қайталамасқа кім кепіл. Әр отбасының тыныштығы, тәртібі отағасынан, сол үйдің анасынан басталады. 

БҚО, Бөкей ордасы аудандық сотының кеңсе меңгерушіс

Зияш Зайнуллина