Төтенше жағдайда тәртіп сақтайық!

Жеке бас қауіпсіздігі үшін төтенше жағдай режимін мұқият сақтаудың маңызы зор. Әсіресе елдегі құқықбұзушылық салдарынан пандемия жағдайында төтенше жағдай режиміне бағыну  халықтың бас амандығының кепілі.

Төтенше жағдай режимін сақтау, оны бұзғандарға жазаны күшейту секілді шаралардың алдағы уақытта да өзекті бола түсетіні түсінікті жайт. Қазірдің өзінде осы режимді сақтамай, жауапкершілікке бағынғысы келмейтіндер де табылып жатыр.   

Қазақстан Республикасының ӘҚБтК-нің 476-бабына сай төтенше жағдай режимiн бұзу Төтенше жағдайдың жариялануына байланысты мемлекеттiк орган белгiлеген режимдi бұзу немесе талаптарды орындамау, сондай-ақ жергілікті жер комендантының заңды бұйрықтары мен өкімдерін, соны ішінде  келу мен кетудiң ерекше режимi, белгiлi бiр жеке тұлғалар үшiн белгiленген мерзiмге белгiлi бiр жерден, өзiнiң пәтерiнен (үйiнен) кетуге тыйым салу, бейбіт жиналыстарды, сондай-ақ ойын-сауық, спорттық және басқа да бұқаралық iс-шараларды ұйымдастыруға және өткізуге тыйым салу немесе оларды шектеу,  ереуiлдер өткiзуге тыйым салу, қарумен, күштi әсер ететiн химиялық және улы заттармен, сондай-ақ алкогольдік iшiмдiктермен және құрамында спирт бар заттармен сауданы шектеу немесе оған тыйым салу, карантин және басқа да мiндеттi санитариялық-эпидемияға қарсы iс-шараларды өткiзу, көбейту техникасын, сондай-ақ радио- және теле хабар тарату аппаратурасын, аудио және бейнежазу техникасын пайдалануға шектеу қою немесе тыйым салу; дыбыс күшейткiш техникалық құралдарды алып қою туралы нұсқамалар, бұқаралық ақпарат құралдарын бақылауды қамтамасыз ету жөнiндегi шаралар, байланысты пайдаланудың ерекше қағидалары, көлiк құралдарының жүруін шектеу және оларды жете тексеруден өткiзу, коменданттық сағат кезінде жеке тұлғалардың жеке басын куәландыратын арнайы берiлген рұқсаттарсыз және құжаттарсыз көшелерде немесе өзге де қоғамдық орындарда жүруiне не жеке басын куәландыратын құжаттарсыз өз үйiнен тыс жерде болуына тыйым салу бөліктерінде орындамау, егер бұл әрекеттерде (әрекетсіздікте) қылмыстық жазаланатын іс-әрекет белгілері болмаса - ескерту жасауға немесе он айлық есептiк көрсеткiш мөлшерiнде айыппұл салуға не он бес тәулікке дейін әкімшілік қамаққа алуға әкеп соғады. Осы баптың бірінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер (әрекетсіздік) – жиырма айлық есептік көрсеткіш мөлшерінде айыппұл салуға не отыз тәулікке дейінгі мерзімге әкімшілік қамаққа алуға алып келеді.

Дәл қазір төтенше жағдай режиміне бағынып, сақтық шаралар сақтаудың маңызы зор. Көпшілік орындарға барудан бас тартып, салтанатты жиындар өткізуді доғару керек.

Гүлдерайым Әбдіғалиқызы, Батыс Қазақстан облысы, Жаңақала аудандық сотының бас маманы.