Әкімшілік әрекет салдарынан келтірілген залалдар өндіріп алынды
Қостанай облысының мамандандырылған ауданаралық әкімшілік соты «К» ЖШС-нің жауапкер «Азаматтарға арналған үкімет» мемлекеттік корпорациясы» коммерциялық емес акционерлік қоғамына қатысты талап-арызын қанағаттандыру туралы шешім шығарды.
Жобаланатын жер учаскесін «Мемлекеттік жер кадастрының автоматтандырылған ақпараттық жүйесінің графикалық деректеріне келісу» мемлекеттік қызметін көрсету кезінде жер учаскелерінің жылжу бағытын көрсетпеу бөлігіндегі жауапкердің іс-әрекеттері заңсыз деп танылды, бұдан басқа 73 782,58 теңге мөлшерінде әкімшілік іс-қимылмен ұштасқан залалдар және талапкердің қызмет көрсету кезінде шеккен мемлекеттік баж өндіріліп алынды.
Сотта талапкердің жер қатынастары саласында мемлекеттік қызмет көрсету жөніндегі қағидалардың талаптарына сәйкес келмейтін нәтиже ала отырып, бір объект бойынша мемлекеттік қызмет көрсету үшін бірнеше рет жүгінгені, бұл ретте оның құнын төленгені анықталды. Заңнама талаптарын сәйкес келетін мемлекеттік қызметтер талап қоюшы сотқа жүгінгеннен кейін ғана көрсетілді.
Сот актісі заңды күшіне енген жоқ.
[xfvalue_img]
