Сот ақшалай өндіріп алуды қолданды
Қостанай облысының мамандандырылған ауданаралық әкімшілік соты жеке сот орындаушысына 10 АЕК мөлшерінде ақшалай өндіріп алу түрінде процестік мәжбүрлеу шараларын қолданды.
Ақшалай өндіріп алу белгіленген мерзімде әкімшілік талап қоюға пікір ұсынылмауына және алдын-ала тыңдау өткізу үшін сот отырысына келмеуіне байланысты қолданылды.
Жауапкерге ҚР ӘРПК-нің 127-бабы 6-тармағына сәйкес, ақшалай өндіріп алуды төлеу ұйғарым табыс етілген күннен бастап бес жұмыс күні ішінде жүзеге асырылады және ол республикалық бюджеттің кірісіне өндірілетіні түсіндірілді.
ҚР ӘРПК-нің 124-бабы 2-тармағына сәйкес, ұйғарымға шағым жасау процестік мәжбүрлеу шараларының орындалуын тоқтата тұрмайды. Ақшалай өндіріп алуды қолдануға жекеше шағым беруге қолданылған өндіріп алу орындалғаннан кейін жол беріледі.
Сот ұйғарымы заңды күшіне енген жоқ.
[xfvalue_img]
