«Мемлекеттік тілге қатысты» тақырып бойынша семинар.

Ақжайық  аудандық сотында сот мамандары  арасында құжат айналымындағы мемлекеттік тілдің үлесі туралы және мемлекеттік тілді дамыту мәселесі бойынша   семинар сабағы өтті.

        Шара барысында шығыс және ішкі құжат айналым бойынша мемлекеттік тілді қолдану тәртіптері талқыланды.

         Бірінші Елбасы Н. Ә. Назарбаев Қазақстан халқына Жолдауында: “Қазақстан халқы бүкіл әлемде үш тілді пайдаланатын жоғары білімді ел ретінде танылуға тиіс. Бұлар: қазақ тілі – мемлекеттік тіл, орыс тілі — ұлтаралық қатынас тілі және ағылшын тілі —жаһандық экономикаға ойдағыдай кірігу тілі”, — деген болатын. 

        Кеңсе меңгерушісі А. Нұрым мемлекеттік тілдің мәртебесі белгіленгеннен бері тілді қолдану, дамыту аясын жетілдіру мәселесімен, рөлін күшейту, дәрежесін көтеру әрбір  азаматтың және мемлекеттік органдардың бірегей міндеті екенін,  сондықтан ішкі құжат айналымда, сонымен қатар мекемелермен қарым-қатынаста мемлекеттік тілді қолдану аясының талаптары қатаң сақталып, тіл мәдениетін қалыпты деңгейде  дамытып, тіл тағдыры - ел тағдыры екенін үнемі ескерілуі тиістілігін  айтып жеткізді.

       Сонымен қатар соттағы құжат айналымда  шығыс және ішкі құжаттар мемлекеттік тілде жүзеге асырылып отырғанын, алдағы уақытта да мемлекеттік тілдің мәртебесін нығайтуға ат салысып, қазынамызды қастерлеу, заң талаптарына сай міндеттерді орындау қажеттілігін атап өтті.

      Шараға қатысушылармен тілге қатысты мәселелермен мемлекеттік тіл - ел байлығын өркендету назарға алынды.

Батыс Қазақстан облысы  Ақжайық аудандық соты.