Судьялар құқық қолдану мәселелерін талқылады
2021 жылдың қазан айының 8-де Нұр-Сұлтан қаласы сотының судьясы Мараш Манабаева елордалық әкімшілік соттың судьяларына семинар өткізді.
Кездесу барысында судьялар әкімшілік істерді қарау мерзімдерін талқылады.
Судья атап өткендей, әкімшілік сот ісін жүргізудің ақылға қонымды мерзімінің қағидаты ӘРПК-пен қарастырылғанын. Әкімшілік істер талап қойылған күннен бастап үш айдан аспайтын мерзімде шешіледі. Аса күрделі әкімшілік істер бойынша бұл мерзім соттың дәлелді ұйғарымымен қисынды мерзімге, алайда үш айдан аспайтын мерзімге ұзартылуы мүмкін.
Ақылға қонымды мерзімді айқындау кезінде келесі мәселелер ескеріледі:
- әкімшілік істің құқықтық және нақты күрделілігі;
- әкімшілік процеске қатысушылардың мінез-құлқы-процестік құқықтарды пайдалану және процестік міндеттерді орындау дәрежесі;
- сот іс-әрекеттерінің процессуалдық жеткіліктілігі және тиімділігі.
Кездесуді қорытындылай келе, әкімшілік істерді қарау барысында қарастырылған мерзімдерді қатаң сақтау қажеттілігі айтылды.
Нұр-Сұлтан қаласының мамандандырылған ауданаралық әкімшілік соты
[xfvalue_img]
6 пікір