Қаралған азаматтық істер бойынша шолу

Қаралған азаматтық істер бойынша шолу

4 - 8 қазан аралығында Нұр-Сұлтан қаласы сотының азаматтық істер жөніндегі сот алқасымен апелляциялық шағымдар бойынша 146 іс қаралды. Олардың ішінде: 137 іс өзгеріссіз қалдырылды, 2 іс бойынша сот актілері (шешімдері) өзгертілді, 7 істің күші жойылды.

Сот жұмыскердің құқықтарын қорғады.

2018 жылы «М» ЖШС-ның  жұмыскері комбаинді тазалау кезінде жарақат алып, қолы ампутацияланған, нәтижесінде 3 топтағы мүгедектік алған.

Нұр-Сұлтан қаласы Байқоңыр ауданының соты ЖШС-дан жұмыскердің пайдасына 8,9 млн.теңге соммасын құрайтын білек протезін жасау шығындарын өндірді.

Жұмыс берушінің жұмыскерді жазатайым оқиғадан сақтандыру шартын жасамағаны анықталды.

Еңбек кодексінің нормаларына сәйкес жұмыскердің еңбек міндеттерін орындауына байланысты оның өміріне және (немесе) денсаулығына зиян келтірілген кезде жұмыс беруші зиянды өтеуге міндетті. Зиян қызметкерде сақтандыру төлемдері болмаған кезде толық көлемде өтеледі.

Талап қоюшыға қолын протездеу қажет болған.

Алқа әділдік, парасаттылық, адалдық қағидаттарын негізге ала отырып, мертіккен адамға айырылған органының тыныс-тіршілігін қамтамасыз ету үшін оның орнын толтыруға мүмкіндік беретін көп функциялы қабілеті бар протездің құнын жауапкерден өндіріп алу туралы соттың тұжырымын негізді деп таныды.

Нұр-Сұлтан қаласы сотының азаматтық істер жөніндегі сот алқасы бірінші сатыдағы сот шешімді өзгеріссіз қалдырды.

Сот «А» мүгедектер қоғамының құқықтарын қорғады.

Мүгедектер қоғамы тапсырыс беруші өткізген мемлекеттік сатып алудың жеңімпазы болып танылды. Осының нәтижесінде қоғам 26 100 теңге сомасына құжат тігілетін папкаларды жасап беруге мүмкіндік алды.

Кейін, қызметкер тарапынан жіберілген қателікке байланысты келісімшартқа қол қойылмады. Мұның соңы қоғамның мемлекеттік сатып алуға жосықсыз қатысушылардың тізіліміне автоматты түрде енгізілуіне әкеп соқты. Осының салдарынан 13 адамнан тұратын бірлестік қызметінің жұмысы тоқтады. Осы ұжымда мүгедектер мен зейнеткерлер жұмыс істеп жүрген болатын.

Бірінші сатыдағы сотта қоғамның адал өнім беруші болып табылатыны және оның тауарды жеткізу шартын жасасудан аз сомаға болса да жалтару ниеті болмағаны анықталды. Осыған байланысты, қоғамның қойған талабы бойынша Нұр-Сұлтан қаласының мамандандырылған ауданаралық экономикалық сотының шешімімен Қазынашылық комитеті бұйрығының күші жойылды.  

Сот алқасы бірінші сатыдағы соттың тұжырымдарымен келісті. Шешім заңды күшіне енді. Осылайша қоғам өз қызметін жалғастыруға мүмкіндік алды.

Нұр-Сұлтан қаласы сотының баспасөз қызметі

[xfvalue_img]

Жаңалықтарды бағалаңыз

  • Сіздің бағалауыңыз
Итоги:
Дауыс берген адамдар: 0

Пікір қалдыру

Ваш e-mail не будет опубликован. Поля обязательны для заполненеия - *

  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кликните на изображение чтобы обновить код, если он неразборчив