Нұр-Сұлтан қаласы МАӘС-ның екі айдағы жұмыс қорытындысы

Екі айдан бері Нұр-Сұлтан қаласының мамандандырылған ауданаралық әкімшілік соты (Нұр-Сұлтан қаласының МАӘС) жұмыс істеп келеді.

Әрине, ауқымды қорытынды жасауға әлі ерте. 

Сонымен қатар, екі айдағы деректер әкімшілік сот ісін жүргізудің қажеттілігін және жария-құқықтық қатынастарда өзекті  мәселелердің бар екенін көрсетіп отыр.

Жұмыс нәтижесін көрнекі түрде көрсетудің ең жақсы тәсілі - сандарға жүгіну.

Сот өндірісіне 669 әкімшілік талап арыз келіп түсті.

Әкімшілік талап қоюлар тұрғысында:

сот орындаушыларының әрекеттеріне шағымдану - 194,

Мемлекеттік сатып алу саласындағы даулар - 104,

салықтық даулар - 63,

тұрғын үй даулары - 46,

жер даулары - 36. 

Барлығы 197 талап қайтарылды, оның ішінде 20 талап-арыз татуласу туралы келісімнің бекітілуіне байланысты қайтарылды.

ӘРПК талап-арызды қайтару үшін 17 негізді қарастырғаны маңызды (ӘРПК-нің 138-бабының 2-бөлігі).

Көбінесе талапты қайтару туралы ұйғарымдар талапкердің талап қоюды қайтарып алуына, сотқа дейінгі міндетті тәртіпті сақтамауына және татуласу туралы келісімді бекітуге байланысты соттылық, ведомстволық бағыныстылық ережелерін бұзуға байланысты шығарылады.

Іс жүзінде сот шешімін шығарумен 40 іс қаралды, оның ішінде 14 талап-арызды қанағаттандыру немесе ішінара қанағаттандыру туралы шешім (барлық шығарылған шешімдердің 35%).

5 жауапкерге қатысты сот ақшалай өндіріп алу түрінде процестік мәжбүрлеу шараларын қолданды.

Біз алдағы уақытта да сот жұмысы туралы ақпарат беруді жалғастырамыз.