Бөкей ордасы аудандық сотында 2021 жылдың 1 жартыжылдық қорытындысы бойынша брифинг өтті

Аудандық сот төрағасы Олжас Миралиев 2021 жылдың І жартыжылдықтағы атқарылған жұмыстары бойынша БАҚ өкілінің қатысуымен брифинг өткізді.

     Брифингте мәлім болғандай 2021 жылдың алты айында сотқа 53 талап арыз түсіп, 43 іс қаралып, аяқталған. Сотта татуластыру рәсімдерімен 13  аяқталды, оның ішінде 8 іс медиация тәртібімен, 5-уі тараптардың өзара бітімгершілік келісімге келуіне байланысты қысқартылған, былтырғы жылы 11 іс аяқталған.  Әкімшілік құқықбұзушылық негіздегі қаралып аяқталған істер саны 114 болса, оның 16- сы қысқартылып, тоғыз іс медиация тәртібімен қысқартылған, 8- ескерту берілсе 31 тұлғаға айыппұл салынып, 58 тұлға қамаққа алынып, 1-тұлға көлік жүргізу құқығынан айырылғанын айтып өтті. Былтырғы жылы 137 -іс қаралып аяқталған, қазіргі уақытта 23 іске азайғанын айту керек.

      Қылмыстық істердің саны былтырғы жылмен салыстырғанда анағұрлым азайғанын да атап өтті сот төрағасы. Былтырғы жылдың алты айында 21 іс қаралса, биыл 17 іс қаралып аяқталды.

      Сондай-ақ,  сот төрағасы Олжас Миралиевтің айтуынша сот жұмысында жаңа технологияларды белсенді қолдану үрдісі қалыптасқанына тоқталып, пандемия жағдайына қарамастан сот отырыстары онлайн режімде қаралатынын, "Сот кабинеті" электронды сервисі арқылы қалыпты жүріп жатырғанын да тілге тиек етті.

    БҚО,Бөкей ордасы аудандық сотының кеңсе меңгерушісі Зияш Зайнуллина