Технология жетістігі

Елімізде жарияланған карантин, төтенше жағдай кезінде де қылмыстың саны артпаса азайған жоқ. Осыған орай  сот жүйесі  де жаңашылдыққа бет бұрып, қашықтықтан онлайн форматта азаматтардың құқықтарын бұзбай, ашық сот отырыстарын нақты уақыт режимінде, бейнеконференц байланыс арқылы өткізуді қолға алды. Тіпті тергеу изоляторында қамауда отырған айыпталушыларды да сот  залына  тасымалдамай, аталмыш  мекемелерде арнайы құрылғалармен залдар жасақталып,  «TruConf» бағдарламасын  қолдана отырып, сот отырысына қатысуға  мүмкіншілік туғызды. Бұл сот жүйесінің ашықтығын және колжетімділігін нығайта түсті.

Сонымен  бірге ашық сот отырыстарына тараптар «WhatcApp»,    «Zoom» мобильдік бағдарламаларын пайдалана отырып, сот залында өз құқықтары мен міндеттерін заң талаптарына сай жүзеге асыра алады. Бұл жетістіктер қатысушылардың уақытын тиімді пайдалануға, шалғай аудандарда немесе басқа қалаларда тұратын тараптардың жол қаражатын үнемдеуге  де үлесін қосты. Аталған негіздер бойынша қысқаша қортындылайтын болсақ, сот жүйесі де карантин режимін бұзбай,сонымен бірге сотқа қатысушылардың құқықтарын сақтай отырып, елімізде сот отырысының жаңа форматын енгізіп, жаңа ақпараттық технология заманында жоғары деңгейге қолжеткізді. 

 Н.Жакупова 

Жаңақала аудандық сотының

жетекші маманы