ЖАҚСЫ АРМАН ОЗДЫРАР
Қазақстан халқының мақсаты - еркiндiк, теңдiк және татулық мұраттарына берiлген бейбiтшiл азаматтық қоғам.
Тұңғыш Президент – Елбасы Нұрсұлтан Әбішұлы Назарбаевтың 2016 жылдың 06 қаңтарында «Ұлт жоспары – қазақстандық арманға бастайтын жол» мақаласы жарық көрінді.
Бұл Қазақстандықтардың арманы – ХХІ ғасырда көшбасшы отыз ұлттың бірі болуға қол жеткізуге із қорсетіп, жол салған – тарихи еңбек.
Елбасымыз Назарбаева Н.Ә.: «Мен қазақстандықтарды Ұлт Жоспарын жүзеге асыруға және реформаларды жүргізуге барынша белсенді қатысуға, олар ашатын мүмкіндіктерді пайдалануға шақырамын» деп көрсетеді.
Ұлт Жоспарын жүзеге асыруға бағытталған негізгі бес реформа -мемлекетті кәсібиелендіру, құқық тәртібі мен заңдылық бюрократиялық шығынсыз экономикаға қадам басу, ұлт бірлігі және қоғамға есеп беретін ашық мемлекет бойынша жүргізілетін барлық іс-қимыл жүйесінің мәндері, негізгі бағыттары мақалада нақты көрсетілген.
Іс жүзінде Ұлт Жоспары белгіленген кезеңдермен орындалуда.
Қазіргі кезде әлемді жайлаған пандемиядан еліміз дағдарысты бастан өткеруде.
Мемлекет Басшы Қ.Тоқаев 2020 жылғы 1 қыркүйектегі Қазақстан халқына Жолдауында: «Замана сынағы бізден үздіксіз қозғалысты, мықты күш-жігерді және табанды еңбекті талап етіп отыр» деп көрсетті.
Тағдырдың сынағынан, әлемдегі саяси, экономикалық дағдарыстан сүрінбей өтудің бір ғана жолы - күш-жігерімізді біріктіріп, жұдырықтай жұмылу, адами қасиеттерімізді жоғалтпау.
Ұлы Абай атамыз «Үш-ақ нәрсе адамның қасиеті – ыстық қайрат, нұрлы жол, жылы жүрек» деп айтқан.
Грек философы Аристотель «Өмірдің мәні не? Айналаңа қызмет етіп, көмек көрсету» депті.
Қазақта «Халық қамын ойлаған халық ағасы - нар кісі» деген мақал бар.
Сан ғасырлар бойы ата-бабаларымыз тәуелсіздікті, соғыссыз «қой үстіне бозторғай жұмыртқалаған заманды» армандаған.
Бүгінгі халқымыздың арманы - әлеуметтiк-экономикалық жағдайлары дамыған, заңдары мен мемлекеттік аппараты халық мүддесіне қызмет ететін өркениетті жаңа Қазақстан – «Мәңгілік ел», «Ұлы Дала Елі» болу.
Асқар белестерден асып, арман-мақсаттарымызға жетуде, әрбір адам, тек жеке басы мен отбасының игілігі үшін емес, қоғам мүддесі үшін де қызмет етуі қажет.
Барлық мемлекеттік органдардан, қоғамдық институттар мен азаматтардан іс-қимылдың үйлесімділігі, табандылық пен қажырлық талап етіледі.
Жұмыла көтерген жүк жеңіл.
Нұр-Сұлтан қаласы
Есіл аудандық сотының судьясы
Қалжан Ермағанбетова
[xfvalue_img]
