Әскерге шақыру учаскелеріне тіркеуді аяқтаймыз

Елордада 2004 жылы туылған бозбалаларды әскерге шақыру учаскелеріне тіркеу аяқталуға жақын. Ағымдағы жылдың қаңтарынан бастап «Алматы», «Байқоңыр», «Есіл» және «Сарыарқа» аудандарының әкімдерімен құралған тіркеу комиссиялары өз жұмыстарын жалғастыруда.                   

         Елордадағы ұйымдар мен кәсіпорындарының басшыларымен өздерінің ведомстволық бағыныстылығы мен меншік нысанына қарамастан, тіркеу учаскелеріне тіркеуге жататын азаматтарды әскери есепке қоюға байланысты міндеттерді орындау үшін қажетті уақытқа жұмыс және оқу орнын, атқаратын лауазымы мен орташа жалақысын сақтай отырып, жұмыстан және оқудан босатылды. Бұл ретте олардың жұмыс және оқу орындары, лауазымдары мен орта жалақылары сақталынды. 

Нұр-Сұлтан қаласы қорғаныс істері жөніндегі депатаменті бастығының орынбасары Ақжолтай Уалиахметов өз сұқбатында:  

«Әскери қызмет және әскери қызметшілердің мәртебесі туралы» 2012 жылғы 16 ақпандағы Қазақстан Республикасы Заңының 16-бабына және  «Әскери міндеттілер мен әскерге шақырылушыларды әскери есепке алу қағидаларына» сәйкес тіркелетін жылы он жеті жасқа толатын ер жынысты Қазақстан Республикасының азаматтарын әскери есепке қою, олардың санын, әскери қызметке жарамдылық дәрежесін айқындау, білім деңгейін, алған мамандығы мен дене дайындығы деңгейін белгілеу мақсатында бозбалаларды шақыру учаскелеріне тіркеу жүргізілуде. 

Дәрігерлік комиссия өтуі және әскери командаларды жасақтау кезінде пандемияның алдын алу шараларының барлығы қатаң қолданылып, әлеуметтік қашықтық сақталынуда.

Қала бойынша барлығы 5 800-ден астам бозбала есепке тұруға тиіс, олардың 4 900-і әскери есепке тіркелді. Жоспарға сәйкес бір апта көлемінде бұл бағыттағы жұмыстарды аяқтайыз.

Наурыздан бастап 18 бен 27 жас аралығындағы ер азаматтарды көктемгі әскерге шақыру науқанын бастаймыз».