Қазақстанда жоғары сапалы тұқымды көбірек еге бастады
Ағымдағы жылы аграршылар дәнді және дәнді-бұршақты дақылдардан жоғары өнім алды. 20,8 млн тонна жоғары сапалы астық жиналды. Сапалы көрсеткіштерге бірнеше факторлар әсер етті деп айтуға болады. Мысалы, егіс және егін жинау науқандары кезіндегі қолайлы ауа райы, АӨК мемлекеттік қолдау көлемінің үш есе ұлғаюы, ауыл шаруашылығы техникасының жаңартылуы, агротехнологиялардың жақсаруына бақылаудың күшеюі.
Тұқым шаруашылығын субсидиялау тетігін жетілдірудің арқасында сапасы төмен тұқымдарды пайдалану көлемі биыл өткен жылмен салыстырғанда 224,3 мың тоннадан 181 мың тоннаға дейін қысқарған.
Сондай-ақ, көктемгі егіс жұмыстарын сапалы және уақтылы жүргізуді және тұрақты өнім алуды қамтамасыз ету үшін Үкімет 369 ауыл шаруашылығы тауар өндірушілерінен 24,5 млрд. теңгеге форвардтық сатып алуды жүзеге асырды.
Атап айтқанда, 517 мың тоннаға жуық ауыл шаруашылығы өнімін (453,4 мың тонна бидай, 53,2 мың тонна арпа, 10 мың тонна күнбағыс, 300 тонна қарақұмық) сатып алу қаржыландырылды.
[xfvalue_img]
