ЕАЭО шеңберіндегі СЕН-ды «Электронды үкімет» порталы арқылы тапсыру

Маңғыстау облысы бойынша Мемлекеттік кірістер департаменті, салық төлеушілер назарына Еуразиялық экономикалық одағының (бұдан әрі - ЕАЭО), Қазахстан Республикасының салық заңнамаларына сәйкес ЕАЭО шеңберінде салық міндеттемелерін орындау кезінде салық төлеушілерге тиісті нысандарды, салық есептіліктерді, сондай–ақ оларға ілеспе құжаттарды қағаз жеткізгіште ұсыну көзделгенін жеткізеді.

Қазақстан Республикасы Президентінің 2020 жылғы 15 наурыздағы №285 жарлығына сәйкес Қазақстан Республикасында 2020 жылдың 16 наурызынан бастап төтенше жағдай режімин енгізуге байланысты, оның қолданылу кезінде:

төмендегі нысандардың, салық есептілігінің, сондай-ақ оларға ілеспе құжаттардың сканерленген көшірмелерін табыс етуді салық төлеуші электрондық үкімет порталы арқылы қамтамасыз етеді:

өнімдерді әкету туралы міндеттемелер;

қайта өңдеу өнімдерін әкету туралы міндеттемені орындау туралы есеп;  

қайта өңдеу өнімдерін әкелу туралы міндеттеме;

алу тізбесінен тауарлар бойынша электрондық шот-фактуралар (бұдан әрі - ЭШФ);

ҚҚС төлеуден босатқанда, ҚҚС есепке алу әдісімен төлегенде, жартылай немесе толықтай тауарды қайтарғанда, тауардың құнын реттегенде СЕН 320.00,328.00.

Бұл ретте, осы  хаттың  1 тармағында көрсетілген құжаттар (растау, дәлелді бас тарту, расталған ЭШФ белгілері бар) сканерленген нұсқада мемлекеттік кірістер органдарымен салық төлеушілерге «Электрондық үкімет»   порталы арқылы  электронды түрде жіберіледі.

2) ЕАЭО шегінде салық  төлеушілердің салық міндеттемелерін орындау кезінде жіберген бұзушылықтары үшін әкімшілік жауапкершілікке тарту бойынша мемлекеттік кірістер органдарының  жұмысы тоқтатылады.

Маңғыстау облысы бойынша Мемлекеттік кірістер департаменті