Жүрек Орталығында өткен балалар кардиохирургиясы бойынша шеберлік сабағы туралы: жас пациенттердің оқиғалары

Жүрек Орталығында өткен балалар кардиохирургиясы бойынша шеберлік сабағы туралы: жас пациенттердің оқиғалары

7 жасар Мадина күздің басталуын асыға күтеді, өйткені қыркүйектің бірінші күні жаңа оқу жылы басталады, оны өз сыныптастарымен бірге партада өткізгісі келеді. Мадина үшін бірінші сынып үйде қашықтықтан өтті, өйткені жүрек ауруы мектепке еркін баруға мүмкіндік бермеді: ентігу және әлсіздік пайда болды. Сондықтан ата-анасының үнемі қадағалауы мен қамқорлығы қажет болды. Бірақ қазір Мадинаның сабаққа баруға мүмкіндігі бар. Жүрек Орталығында шетелдік дәрігер Герхард Цимердің қатысуымен балалар кардиохирургиясы бойынша шеберлік сабағы барысында қызға аневризманы жою, қолқа доғасын протездеу және жасанды қақпақшаны орнату бойынша операция сәтті жасалды.

Жас пациент үшін бұл қалпына келтіру жолындағы екінші кезең болды. 2019 жылдың мамыр айында Орталықтың балалар қызметінің дәрігерлері профессор Цимермен бірге Мадинаға алғашқы операция жасады. Алайда, күрделі диагноз қайтадан хирургиялық емдеуді қажет етті. Екінші кезеңді 3 жылдан кейін ғана жүзеге асыру мүмкін болды: жоспарлар 2020 жылы коронавирустық пандемияның өршуіне байланысты кейінге қалдырылды.

 «Операция қиын болды, және кез-келген дәрігер бала жастағы пациенттерге мұндай араласуды жасамайды. Сондықтан біз өз елімізде мемлекеттік квота бойынша сапалы ем алу мүмкіндігіне өте қуаныштымыз. Шеберлік сабағын өткізген емхана қызметкерлеріне алғыс айтамыз. Профессор Цимер мен кардиохирург Дмитрий Горбуновқа ерекше алғысымызды білдіреміз», – дейді Мадинаның апасы Жарқын. Айтпақшы, қыздың жағдайы тұрақты, жақын арада клиникадан шығарылады. Мадинаның апасы қыздың болашақта кардиохирург болуды, адамдардың жүрегін емдеуді армандайтынымен бөлісті. Қазірдің өзінде Мадина дәрігердің дағдыларын игеріп, ата-анасына інілерін емдеуге көмектесіп, клиникада көрген процедураларын ойыншықтар жиынтығы арқылы қайталауда.

10 жасар Виталийдің ауру тарихы дәрігерлер оның туа біткен жүрек ақауы бар екенін анықтаған өмірінің бірінші айынан басталады. Балаға алғашқы операция 6 жасында сәтті жасалынған. Осыдан кейін Виталий Жүрек Орталығының мамандарында жоспарлы тексеруді жалғастырды. Емдеудің екінші кезеңіне дәл осындай сыртқы фактор әсер етті. Шетелдік дәрігердің келуін және шеберлік сабағын баланың отбасы 3 жыл бойы күткен.

Операция барысында кардиохирургтар бригадасы ұл балаға аорталық қақпақшаны және қолқа доғасын протездеу, сонымен қатар митральды қақпақша пластикасын жасады. Бұл процедура жүректен бүкіл денені қамтамасыз ететін аортаға қанның толық ағып кетуін қамтамасыз етеді. Қазір Виталий өзін жақсы сезінеді және үйіне шығарылуын асыға күтуде. «Бізге үлкен көмек көрсеткен Орталық дәрігерлері, балалар кардиологы Әйкерім Жанатқызына, кардиохирург Дмитрий Горбуновқа және профессор Цимерге алғысымызды білдіреміз. Орталықтың балалар бөлімшесінің барлық қызметкерлері пациенттерге мұқият және қамқорлықпен қарайды», - деп бөлісті Виталийдің анасы Кристина.

«Екі пациентке де әдетте ересектерге жасалатын Бенталл операциясы жасалды. Дегенмен, балалардың жағдайы осы емдеу әдісін дереу қолдануды талап етті. Екі апта ішінде шеберлік сабағында сирек кездесетін жүрек патологиясы бар 16 пациентке операция жасалды. Қысқа мерзімде жасалған мұндай күрделі операциялардың үлкен саны бірде-бір клиникада болмаған шығар», - деп түсіндірді Жүрек Орталығының балалар кардиохирургиясы бөлімінің меңгерушісі Дмитрий Горбунов.

Жүрек Орталығының баспасөз қызметі

 

 

 

[xfvalue_img]

Жаңалықтарды бағалаңыз

  • Сіздің бағалауыңыз
Итоги:
Дауыс берген адамдар: 0

Пікір қалдыру

Ваш e-mail не будет опубликован. Поля обязательны для заполненеия - *

  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кликните на изображение чтобы обновить код, если он неразборчив