Арнайы есепке алу, құжаттандырудан басталады.

Кез- келген азаматтың қайда жүрсе де, жеке басын куәландыратын құжаты қажет. Яғни олар — жеке куәлік пен паспорт. Құжатыңыз болмаса, еш жерде шаруаңыз бітпейді.  Бұл әсіресе,  жазалау орындарына түскендер үшін тым қажет .Сол сияқты бір ғана жеке куәлік арқылы көп мәселені шешуге болады. Өйткені бұрынғыдай көп қағаз арқаламай, қазір бәрі сол бір жапырақ  құжаттың ішіне керекті мәліметтердің біразы  сыйып кетеді.

 Осы орайда, ЗК-169/1 тергеу  изоляторында ұсталынатын тұлғаларды құжаттандыру жұмысы  бойынша , Арнайы есепке алу бөлімі ұдайы түрде жұмыс жасап, қадағалау жүргізеді.

Бөлім бастығы, әділет майоры Фариза Сембаева :

 Төлқұжаттың немесе жеке куәліктің болмауы сотталғандардың бірқатар құқықтарын, мүгедектікті, әлеуметтік төлемдерді қамтамасыз етуді мүмкін етпейді, шартты түрде мерзімінен бұрын босату мүмкіндігін қиындатады. Бостандыққа шықаннан кейін адамның тұрғылықты жері бойынша тіркеуге мүмкіндігі болмайды, жұмыс табуда, зейнетақы алу кезінде қиындықтар туындайды, азаматтық құқықтық мәмілелерге қатыса алмайды. Сондықтан да, қабылданған  әрбір айыпталушы  не сезіктілер мен  сотталғандар ҚР ҚПК 300- бабына сәйкес, жеке тұлғасын растайтын құжаттары болуы  үнемі тексеріліп, бакылауда тұрады. Мекемеде жыл басынан бері  жеке куәлік мерзімдері өткен 12  сотталғанның құжаттары  қайта жасатылып берілді. Сонымен қатар, бүгінгі таңда мекемеге келіп түскен барлық азаматтардың құжаттары бар. Тек оларға уақытша ЖСН беру жұмысы жүргізілді.

Сол сияқты, мекемеге айыптаушылар  соттың қамауға  алу қаулысы,  сотталғандар сот  үкімінің  негізінде қабылданады. Жеке басын куәландыратын  құжаттар  айыпталушылардың жек істерінде анықталады. Тергеу органдарына сұрату бойынша  қолхат арқылы беріледі. Үкім заңды күшіне енген соң  жеке куәлігі  кері қайтарылады.

Қызылорда облысы бойынша ҚАЖД